ईरिक्सनको पहिलो गोलमा ईन्टरको जित

एजेन्सी । क्रिस्टियन ईरिक्सनले ईन्टर मिलानमा पहिलो गोल गरेको खेलमा युरोपा लिगको अन्तिम ३२ को खेलमा ईटालियन क्लबले जित हासिल गरेको छ ।

बिहिबार राति भएको अन्तिम ३२ को पहिलो लेगको खेलमा ईन्टरले बुल्गेरियाको क्लब लुडोगोरेट्स रेजग्रेडलाई २–० ले पराजित गर्यो ।

ईन्टरको जितमा टोटेनहमका पुर्व स्टार ईरिक्सनले पहिलो गोल गरे । उनी यसै बर्षको सुरुवातमा सिरि ए क्लब आएका थिए । अर्को गोल प्रियिमर लिग क्लब म्यानचेष्टर युनाईटेडका पुर्व स्टार रोमेलु लुकाकुले गरे ।

७१ औ मिनेटमा गोल गर्दै ईरिक्सनले गोल गर्दै ईन्टरलाई सुरुवाती अग्रता दिलाएका थिए । लुकाकुले ईन्जुरी समयमा गोल गर्दै पहिलो लेगको खेलमा ईन्टरको जित पक्का गरेका थिए ।

दोस्रो लेगको खेल ईन्टरको घरेलु मैदानमा हुनेछ ।

ईन्टरमा आएपछि १ सय ३७ मिनेटको समय ईरिक्सनले गोल र असिस्टबिनै बिताएका थिए । उनी पछिल्ला ५ खेलमा प्रभावहिन देखिएका थिए ।

दोस्रो हाफमा ईन्टरका प्रशिक्षक एन्टोनी कोन्टेले म्यान्चेष्टर युनाईटेडका लोनका खेलाडी एलेक्स साञ्चेज, चेल्सीका विङ्गर भिक्टर मोसिस र एस्ले योङलाई मैदान प्रवेश गराएका थिए ।