जागरण कप फुटबल हुने

काठमाडौं । म्याग्दीमा दोस्रो संस्करणको जागरण कप फुटबल प्रतियोगितामा आयोजना हुने भएको छ ।

फागुपुर्णिमाको अवसरमा हुने प्रतियोगिता फागुन २१ गतेदेखि २५ सम्म आयोजना हुनेछ ।

म्याग्दीको रत्नेचौर खेलकुद मैदानमा हुने प्रतियोगितामा करिब १५ टिमको सहभागिता रहने आयोजक रत्नेचौर जागरण समूहले जनाएको छ ।

प्रतियोगिताको विजेताले ५१ हजार ५ सय ५५ नगद पुरस्कार प्राप्त गर्ने छन् । यस्तै उपविजेताले २५ हजार ५ सय ५५ नगद पाउने छन् ।