काठमाडौं । डीएभी स्कुल (जावलाखेल) ले रोयल इन्डोर इन्टर स्कुल इन्डोर क्रिकेट प्रतियोगिताको उपाधि जितेको छ। सोमबार भएको फाइनलमा डीएभीले ग्यालेक्सी पब्लिक स्कुललाई ६ रनले पराजित गर्यो।
गोल्फुटार स्थित रोयल इन्डोर मैदानमा डीएभीले दिएको ९२ रनको लक्ष्य पछ्याएको ग्यालेक्सी अलआउट हुँदै ८५ रनमा समेटियो । ग्यालेक्सीको लागि सुबाश यादबले सर्वाधिक ५८ तथा दावा शेर्पाले ११ रन बनाए। डीएभी बलर आशिष शाहले २ विकेट लिए।
एस्अघि टस जितेर पहिले बलिङ्ग गरेको डिएभीले निर्धारित १२ ओभरमा २ विकेट गुमाएर ९१ रनको योगफल तयार गरेको थियो । डीएभीको लागि रोनक गोयलले ४३ तथा चिराग अग्रवालले २३ रन योगदान दिए । बलिङ्गतर्फ ग्यालेक्सीका असिम केसीले २ विकेट लिए ।
प्रतियोगितामा डीएभी स्कुलका शिखर बोथरा उत्कृष्ट खेलाडी र उत्कृष्ट बलर घोषित भए । प्रतियोगितामा कुल २० टोलीको सहभागिता रहेको थियो ।
