काठमाडौं । आयोजक काठमाडौं विद्या कुञ्ज सेकेन्डरी स्कुल (केभीकेएसएस) र निम्स दोश्रो केभीकेएसएस अन्तरविद्यालय बास्केटबल प्रतियोगिताको ब्वाइजतर्फ सोमबार क्वाटरफाइनलमा प्रवेश गरेका छन् ।
टोखास्थित घरेलु कोर्टमा केभीकेएसएसले हिमरश्मीलाई १८–१२ ले पराजित गर्यो । केभीकेएसएसको जितमा कविन थापा मगरले ७ अंक योगदान गरे । रोशन लामाको १६ अंक सहयोगमा निम्सले सेवा सदनलाई ४५–२८ ले हरायो ।
ब्वाइजकै अन्य प्रिक्वाटरफाइनलमा युनिभर्सलले लक्ष्मीपुरलाई २३–१८, ग्रीनल्यान्डले त्रियोगलाई ५१–३०, भ्याली पब्लिकले सेन्ट जोसेफलाई ५८–३८, ज्ञान निकेतनले स्वेता सदनलाई ३५–२२, गोल्डेनपिकले डिफेन्डिङ च्याम्पियन हिमालयन ह्यापी चाइल्ड एकेडेमी (एचएचसीए) लाई ६०–४७ तथा स्काइलार्कले चाँदबागलाई ४४–२५ ले पाखा लगाउदै क्वाटरफाइनलमा स्थान सुरक्षित गरे ।
गल्र्समा भ्याली पब्लिक सेमिफाइनलमा पुग्यो । भ्याली पब्लिकले त्रियोगको चुनौती २५–१२ ले समाप्त पार्यो । भ्याली पब्लिककी अस्मिता थापाले १० अंक जोडिन् ।
