काठमाडौं । त्रिभूवन विश्वविद्यालय (टियु) र पोखरा विश्वविद्यालय चौथो प्रधानमन्त्री कप अन्तर विश्वविद्यालय खेलकुद प्रतियोगिताअन्तर्गत पुरुष फुटबलतर्फ शुक्रबार फाइनलमा प्रवेश गरेको छ ।
सेमिफाइनलमा टियुले काठमाडौं विश्वविद्यालयलाई ३–० तथा पोखराले मध्यपश्चिम विश्वविद्यालयलाई ३–० ले पराजित गरे ।
महिला भलिबलमा टियु र मध्यपश्चिम फाइनलमा पुगेका छन् । टियुले पोखरालाई २५–७, २५–९ र २५–४ तथा मध्यपश्चिमले सुदूरपश्चिम विश्वविद्यालयलाई २५–१०, २५–१७ र २५–२१ को सोझो सेटमा हराए ।
पुरुष भलिबलमा टियु र मध्यमाञ्चल उपाधिका लागि भिड्ने छन् । टियुले पोखरालाई २५–१०, २५–२३ र २५–१४ तथा मध्यमाञ्चलले सुदूरपश्चिमलाई २५–२०, २५–१६ र २५–२३ को सीधा सेटमा पाखा लगाए ।
