रेडिअन्ट सेमिफाइनलमा

काठमाडौं । रेडिअन्ट आठौं ग्रिनफिल्ड अन्तरविद्यालय बास्केटबल प्रतियोगिताको सिनियर ब्वाइजमा मंगलबार सेमिफाइनलमा प्रवेश गरेको छ ।

रेडिअन्टले नेपालयलाई ६६–४६ ले पराजित गर्यो । रेडिअन्टका उपेन्द्र बस्नेतले ३१ अंक जोडे । सिनियर ब्वाइजमै ग्रिनल्यान्डले ज्ञान निकेतनलाई ७७–७५ तथा ब्राइट होराइजनले महामञ्जुश्रीलाई ५०–३६ ले हराउदै सेमिफाइनलमा पुगे । ग्रिनल्यान्डका राजीव आले मगरले ३८ तथा ब्राइट होराइजनका अभय राईले २५ अंक जोडे ।

जुनियर ब्वाइजमा ज्ञान निकेतनले आयोजक ग्रिनफिल्ड ‘ए’ लाई २८–२०, स्वप्न वाटिकाले नेरिकलाई १८–१६ र रेडिअन्टले एन्जल्स हर्टलाई २७–२६ ले पाखा लगाउदै सेमिफाइनलमा स्थान सुरक्षित गरे ।

सिनियर गल्र्समा एलआरआईले ग्रिनल्यान्डलाई २७–२३ तथा सिद्धार्थ बनस्थलीले काठमाडौं भ्यालीलाई २२–८ ले पन्छ्याउदै सेमिफाइनल यात्रा तय गरे ।