गोल्डेनपीक र ह्वीज किड्स सेमिफाईनलमा

काठमाडौं । आठौं गोल्डेनपीक अन्तर बिद्यालय बास्केटबल प्रतियोगितामा आयोजक गोल्डेनपीक र ह्वीज किड्स सिनियर गल्र्सतर्फ सेमिफाईनलमा प्रवेश गरेका छन् ।

शनिवार भएको सिनियर गल्र्सको खेलमा गोल्डेनपीकले आइल्याण्ड स्कुललाई १२–४ को स्कोरमा हराउदा ह्वीज किड्सले बाल बिकासलाई १८–८ को स्कारमा पराजित गदै अन्तिम चारमा स्थान बनाए । गोल्डेनपीकको जितमा दावा छिरिङ ले सर्वाधिक १० स्कोर गरिन भने ह्वीज किड्सका लागि मुस्कान तिवारीले ८ स्कोरको योगदान दिएकी थिईन् ।

चावहिल सरस्वतीनगर स्थित गोल्डेन पीक हाईस्कुलकोे कोर्टमा भएको सिनियर ब्वाईजको खेलमा बिएनए,गोल्डेनपीक,भ्यालिपब्लिक र ग्रिनल्याण्डले जित निकालेका छन् । बसुन्धरा नेश्नल एकेडेमी(बिएनए)ले दोहोरो जित निकालेको छ । पहिलो खेलमा रिलायन्सलाई ३९–१८ को स्कोरमा हराउदा दोश्रो खेलमा ह्वीज किड्सलाई ४१–१९ को स्कोरमा रोक्यो । दुवै खेलमा आदित्य सिंहले १४ र १५ स्कोरको योगदान दिएका थिए । त्यस्तै गोल्डेनपीकले ओडिसीलाई ४२–२९ को स्कोरमा हराउदा गोपाल भण्डारीले १९ स्कोर गरे ।

ग्रिनल्याण्डले रिलायन्सलाई ३५–१४ ले हराउदा राजिब आलेले १६ स्कोरको योगदान दिए । सक्रिय अधिकारीको ११ स्कोरको मद्दतमा भ्यालीपब्लिकले ओडिसीमाथी २८–१८ को जित निकाल्यो । जुनियरतर्फ बिएनएले ज्ञानमालालाई १६–१० को स्कोरमा हराउदा सन्देश खड्काले १० तथा इडनब्रिजले ग्रीनल्याण्डलाई १६–८ को स्कोरमा हराँउदा सुनिल मल्लले १२ स्कोर गरेका थिए ।

प्रतियोगितामा जुनियर ब्वाइजतर्फ १२ टिम, सिनियर गल्र्सतर्फ ६ टिम र सिनियर ब्वाइजतर्फ १२ टिमले १७ गते सम्म प्रतिस्पर्धा गर्ने छन् । लिग कम नकाउटका आधारमा संचालन हुने प्रतियोगिताको गल्र्स टिमलाई दुई समूहमा बिभाजन गरिएको छ भने ब्वाईजलाई चार समूहमा बिभाजन गरिएको छ ।

जुनियर व्वाइजतर्फ ४ फिट १० इन्च सम्मको उचाई निर्धारण गरिएको छ । प्रतियोगिता अन्तर्गत हुने सबै खेलमा नेपाल बास्केटबल संघको प्राविधिक सहयोग रहोको छ ।