काठमाडौं । राज श्रेष्ठ र अजर सिम्हाले चौंथो संस्करणको धन लक्ष्मी महर्जन मेमोरियल राष्ट्रिय स्क्वास प्रतियोगितामा विजयी सुरुआत गरेका छन् ।
सातदोबाटोस्थित स्क्वास कोर्टमा सोमबार पुरुष खुल्लातर्फ राज र अजरले जित निकालेका हुन् ।
राजले सुखद सुरुआत गर्ने क्रममा राज महर्जनलाई १४-१६,११-५,११-५,७-११ र ११-४ ले पराजित गरे ।
अजरले दिब्य बज्राचार्यलाई ११-४,११-२ र ११-३ ले पराजित गर्दै अर्को चरणमा स्थान बनाए ।
पुरुषको खुल्लातर्फ नै विनायक श्रेष्ठले शिव कायस्थलाई ११-८,११-१ र ११-९ ले हराए ।
![No description available.](https://scontent.fktm6-1.fna.fbcdn.net/v/t1.15752-9/295618737_1464619873990124_8433627064396937071_n.jpg?stp=dst-jpg_s2048x2048&_nc_cat=111&ccb=1-7&_nc_sid=ae9488&_nc_ohc=bPsEWdle4o8AX-TiGbB&_nc_ht=scontent.fktm6-1.fna&oh=03_AVJfROmhSSVKEXSYx6MFow5Dim_ToNx9s2dDyCFD2TH7zw&oe=630DAA8F)
रिद्दी शाक्यले सदय प्रधान्गालाई १२-१०, ११-५ र ११-७ ले हराए ।
गोपाल थापाले प्रयाग जोशीलाई ५-११, ११-१, ११-४ र ११-७ ले पराजित गरे ।
खुला मास्टर्स ५० वर्षमाथि सुरेश शाक्यले रत्न महर्जनलाई १२-१०, ११-७ र ११-९ ले पराजित गरे ।
मास्टर्सतर्फ नै अनिल बज्राचार्यले जुनिल शाक्यलाई ११-५, ११-७ र ११-३ ले पराजित गरे ।
धनलक्ष्मी महर्जन फाउन्डेसनले आयोजना गरेको प्रतियोगितामा पुरुष खुल्ला, महिला खुल्ला, मास्टर खुल्ला पुरुष ५० वर्ष भन्दा माथि, जुनियर ब्वाईज ओपन र प्लेट गरी ५ विधामा प्रतिस्पर्धा भईरहेको छ ।
![No description available.](https://scontent.fktm6-1.fna.fbcdn.net/v/t1.15752-9/292484515_580958940136474_1809451735609376955_n.jpg?stp=dst-jpg_s2048x2048&_nc_cat=110&ccb=1-7&_nc_sid=ae9488&_nc_ohc=mWMUZX7tLSQAX-o1NTI&_nc_ht=scontent.fktm6-1.fna&oh=03_AVIzQnJUWnfWwD8Ya1hgVs93QDc0k5ndVPg_xmHZkr0AXg&oe=630ED35E)
पुरुषतर्फको विजेताले २५ हजार, उपविजेताले १५ हजार र तेस्रोले ९/९ हजार पाउने छन् ।
महिलातर्फ विजेताले १८ हजार, उपविजेताले ११ र तेस्रोले ७/७ हजार पाउने छन् ।
यस्तै जुनियरतर्फ विजेताले १० हजार, उपविजेताले ६ हजार र तेस्रोले ४/४ हजार पाउने छन् ।
प्रतियोगिता आयोजनाका लागि प्रायोजक फाउन्डेसनले १ लाख ३५ हजार नगद पुरस्कार उपलब्ध गराउनेछ ।