काठमाडौं । राष्ट्रिय खेलकुद परिषद (राखेप)ले एसियाली खेलकुद प्रतियोगितामा प्याराग्लाईडिङतर्फ रजत पदक विजेता खेलाडीलाई नगद सहित सम्मान गरेको छ । काठमाडौंमा आज नगरपरिक्रमा सहित राखेपले पदक विजेता खेलाडी, प्रशिक्षक तथा संघलाई सम्मान गरेको हो ।
सोमबार खेलकुद मन्त्री जगत विश्वकर्माको प्रमुख आतिथ्यतामा सम्पन्न कार्यक्रममा राखेप सदस्य सचिव केशवकुमार विष्ट, ओलम्पिक कमिटिका अध्यक्ष जिवनराज श्रेष्ठ लगायतको उपस्थिती रहेको थियो ।
राखेपले आयोजना गरेको नगरपरिक्रमा त्रिपुरेश्वर हुदै सुन्धारा, रत्नपार्क, पुरानो बसपार्कबाट राष्ट्रिय सभा गृहमा पुगेर सम्पन्न भएको थियो ।
कार्यक्रममा राखेप सदस्य सचिव केशवकुमार विष्टले प्याराग्लाईडिङले नेपाली खेलकुदको शिर उचो राख्ने काम गरेको भन्दै यस खेलको विकास र प्रवद्र्धनमा सरकारले सहयोग गर्ने बताए ।
खेलाडी विमल अधिकारीले एशियाडमा जितेको पदक नेपालको नाममा समर्पित भएको बताए । उनले प्रतियोगितामा सहभागिता गराउन सहयोग गर्ने नेपाल ओलम्पिक कमिटिलाई समेत विशेष धन्यावाद दिए ।
राखेपले पदक विजेता खेलाडीलाई जनही ५ लाख र मुख्य प्रशिक्षकलाई ३ लाख रुपैयाँ नगद सहित सम्मान गरेको छ । यस्तै, सहायक प्रशिक्षकलाई १ लाख ५० हजार र प्याराग्लाईडिङ संघलाई ५ लाख हस्तान्तरण गरिएको थियो ।
1685540445.JPG)
1685536906.jpg)
