सुशिल नरसिह राणा
काठमाडौं । विभिन्न आँकलन र अड्कलबाजीकाबीच १३ औं दक्षिण एसियाली खेलकुद प्रतियोगिता (साग) सफलतापूर्वक सम्पन्न भएको छ ।
देशका मुख्य तीन शहरमा दक्षिण एसियाली खेलकुदको महाकुम्भ मेला सञ्चालन भयो ।
आयोजना मात्र नभएर राष्ट्रले दक्षिण एसियाली खेलकुदमै बिगत देखिको सम्पूर्ण ईतिहासलाई पुर्नलेखन गर्दै स्वर्ण अक्षरले कोर्न सफल भएको छ ।
सागलाई अवसरको रुपमा लिएर राष्ट्रको गरिमा प्रर्दशन गर्न खेल स्थल, अतिथी सत्कार र राष्ट्रिय टिमको तयारी लगायत काममा नेपाल सरकार, राष्ट्रिय खेलकुद परिषद् (राखेप), नेपाल ओलम्पिक कमिटि, राष्ट्रिय खेल संघ अहोरात्र खटेको अवस्था थियो ।
कुनै पनि कसर नराख्ने हिसाबले सम्पन्न गरिएको १३ औं सागमा ५१ स्वर्ण लगायत २ सय ६ कुल पदक जितेर नेपालले खेल क्षेत्रमा निकै अगाडी बढिसकेको स्पष्ट प्रमाण पेश गर्न सफल भएको छ ।
नेपाल दक्षिण एसियामा मार्शल आर्टका बिधा र फुटबलमा मात्र बलियो भन्ने छाप छ । तर यसबाट बाहिर निस्कदै नेपालले एथ्लेटिक्स, भारत्तोलन, साईकिलिङ, पौडीबाट समेत १३ स्वर्ण पदक जितेर श्रीलंका, भारत, पाकिस्तान र बंगलादेश जस्ता देशलाई अचम्मित पार्न सफल भएको छ ।
पौडीकी गौरिका सिह, भारोत्तोलनकी सन्जु चौधरी, एथलेटिक्सकी सन्तोषी श्रेष्ठ, गल्फका सुभास तामाड, कुस्तिकी संगिता धामी, बक्सिडकी मिनु गुरुड, ट्रायथलनकी सोनी गुरुड. र साईकिलिङका निस्मा श्रेष्ठ र लक्ष्मी मगर आ–आफनो बिधामा राष्ट्रलाई पहिलो पटक स्वर्ण पदक दिलाएर नायकका रुपमा आफुलाई उभाउन सफल भए । हेण्डबल, भलिबल महिला, महिला कबड्डी, महिला खो खो, फेन्सिड. र टेबुल टेनिस खेलले समेत कडा चुनौती पस्किदै आफ्नो दरिलो उपस्थिती जनाए ।
बृहद अन्तर्राष्ट्रिय प्रतियोगिता आयोजन हुँदा राष्ट्रले अन्र्तराष्ट्रिय स्तरका भौतिक संरचना र्निमाण गर्ने अबसर प्राप्त गर्दछ । जुन संरचनाको मित्र राष्ट्रले मुक्तकण्ठले प्रशंसा गरेका छन् । साथै अतिथि सत्कार तथा बसोबासका हिसाबले पनि नेपालले प्रशंसा बटुल्न सफल भएको छ ।
माथि उल्लेखित प्रशंगले सफल आयोजनाले मात्र नभएर राष्ट्रले प्राप्त गर्ने पदक, खेलप्रेमि जनता र खेलाडी, अतिथिबाट प्राप्त गरिएका आत्मिय व्यवहार, खेल अनुशासनले १३ औ साग सहभागी मित्र राष्ट्रको हृदयमा अमिट छाप छोड्न सफल भएको छ ।
सागको भब्य आयोजनाले सम्पुर्ण देशलाई गौरवान्वित बनाएको छ । साथै सफल आयोजना तथा खेलाडीले प्राप्त गरेको सफलताले आगामी दिनमा खेलकुदका जिम्मेवार निकाय र सरकारलाई ध्यानाकर्षण गर्न साग सफल भएको छ ।
(खेल बिज्ञको रुपमा राणा सागकाे टिम तयारी समितिमा समेत हुनुहुन्थ्याे)
1685540445.JPG)
1685536906.jpg)
