काठमाडौं । प्रथम छात्रा लेजेण्ड कप फुटसल प्रतियोगिताको उपाधि श्री सिद्धि मङ्गल माध्यमिक विद्यालयले जितेको छ ।
ललितपुरको महालक्ष्मी नगरपालिका सिद्धिपुरमा भएको विद्यालय स्तरीय प्रतियोगितामा माउन्ट ओलिभ विद्यालयलाई पराजित गर्दै श्री सिद्धि मङ्गलले उपाधि जितेको हो ।
लेजेण्ड फुटसलद्वारा आयोजना गरिएको प्रतियोगितामा भानोदय माध्यमिक विद्यालय तेस्रो बन्यो ।
प्रतियोगिताको उच्च गोलकर्ता कोपिला इङ्गिलस सेकेन्डरी बिद्यालयकी छात्रा रितिसा श्रेष्ठ बनिन् ।
प्रतियोगितामा विजयी हुने विद्यालय तथा सहभागी खेलाडीलाई महालक्ष्मी नगरपालिकाका मेयर रामेश्वर श्रेष्ठ, महालक्ष्मी नगरपालिका वडा नम्बर ६ का अध्यक्ष वासुदेव महर्जन, गुण एयरलाइन्सका प्रबन्ध निर्देशक दिप्रश शाक्य लगायतले पुरस्कृत गरेका थिए ।
सो अवसरमा गुण एयरलाइन्सका प्रबन्ध निर्देशक दिप्रश शाक्यले यस किसिमको बिद्यालय स्तरको छात्रा फुटसल प्रतियोगिता ललितपुर जिल्ला महालक्ष्मी नगरपालिकामै पहिलोपटक भएकोमा खुशी व्यक्त गरे ।
उनले आगामी दिनमा यस किसिमको प्रतियोगितामा आफुहरुको सहयोग र सहकार्य निरन्तर रहने प्रतिबद्धता समेत जनाए ।
प्रतियोगितामा कुल सात विद्यालयकोे सहभागीता रहेको थियो ।
प्रतियोगितामा सहभागी टोली मध्ये दुई टोलीलाई लेजेन्ड फुटसलद्वारा निशुल्क प्रशिक्षण एवम खेल स्थल उपलब्ध गराइएको लेजेन्ड फुटसलका अध्यक्ष अमन महर्जनले जानकारी दिएका छन् ।
-1751205100.jpg)
