पोखरा । नवौं राष्ट्रिय खेलकुद अन्तर्गत एथलेटिक्सको पुरुष लङजम्पमा एपीएफ क्लबका सलिम देवानले राष्ट्रिय कीर्तिमानसहित स्वर्ण पदक जितेकी छिन् ।
पोखरा रंगशालामा मंगलबार सलिमले ७.०६ मिटर जम्प गर्दै कीर्तिमानसहित स्वर्ण जितेका हुन् ।
सलिमले कृष्ण बहादुर गिरिको नाममा रहेको ७ मिटरको कीर्तिमान भंग गरेका हुन् ।
गिरिले १९९९ मा पाकिस्तानको इस्लामावादमा कीर्तिमान बनाएका थिए ।
आर्मीका डिल्ली खत्रीले रजत पदक जित्दा कास्य पदक गण्डकीका नारायण चौधरीले कास्य जिते ।
डिल्लीले ६.९८ मिटर र नारायणले ६.८२ मिटर जम्प गरे ।
