पोखरा । नवौं राष्ट्रिय खेलकुद प्रतियोगिता अन्तर्गत पुरुष भलिबलमा विभागिय टोली नेपाल पुलिस क्लब सेमिफाइनल प्रवेश गरेको छ ।
पहिलो क्वाटरफाईनल खेलमा पुलिसले सुदुरपश्चिम प्रदेशलाई पराजित गरेको हो ।
मंगलबार बिहान पोखरा रंगशालास्थित कोर्टमा भएको खेल पुलिसले ३–० को सोझो सेटमा जितेको हो ।
पहिलो सेट २५–२१ ले आफ्नो पक्षमा पारेको पुलिसले दोस्रो सेट २५-१३ ले जितेको थियो । तेस्रो सेट २५-२० ले जित हात पारेर पुलिसले अन्तिम चारमा आफ्नो स्थान पक्का गरेको हो ।
पुलिसले आजै हुने दोस्रो क्वाटरफाईनलको बिजेतासँग सेमिफाइनलमा खेल्ने छ । सुदुपश्चिम प्रदेश भने बाहिरिएको छ।
आजनै अन्य तीन क्वाटरफाईनलको खेल हुनेछ । दोस्रो क्वाटरफाईनल खेलमा त्रिभुवन आर्मी र बागमती प्रदेश तथा तेस्रोमा नेपाल एपीएफ क्लब र लुम्बिनी प्रदेशबीच खेल हुनेछ ।
चौंथो तथा अन्तिम क्वाटरफाईनल खेलमा गण्डकी प्रदेश र प्रदेश नम्बर एकबीच हुनेछ । पुरुष भलिबलको फाइनल कात्तिक ३ मा हुनेछ ।
