काठमाडौं । नेपाल सेल्फ डिफेन्स संघद्धारा आयोजित दोस्रो अन्तर्राष्ट्रिय सेल्फ डिफेन्स प्रशिक्षण सम्मेलन राजधानीमा सम्पन्न भएको छ ।
त्रिपुरेश्वरस्थित राखेपको कर्भडहलमा माघ ८ देखि १२ गतेसम्म आयोजना भएको सेल्फ डिफेन्स प्रशिक्षण सम्मेलन सोमबार सम्पन्न भएको हो ।
सम्मेलनमा पोल्याण्डका अन्तर्राष्ट्रिय सेल्फ डिफेन्स एसोसिएसनका ग्रान्ड मास्टर स्टानिस्टो माचेरजाकले सहभागीलाई प्रशिक्षण दिएका थिए । सम्मेलनमा विभिन्न जिल्लाका ६० जना प्रशिक्षक तथा ७०० जना प्रशिक्षार्थीले प्रशिक्षण लिएका थिए ।
कार्यक्रममा नेपालका अध्यक्ष डिबि रानापाललाई मानार्थ सेल्फ डिफेन्स तेश्रो डान, शाखा प्रमुख एवं संघका उपाध्यक्ष सञ्जु महर्जनलाई सेल्फ डिफेन्स पाँचौ डानका साथमा आधा दर्जन बढी पदकद्धारा सम्मान गरिएको थियो ।
त्यस्तै संघका सहायक प्रशिक्षक राधिका ऐर हमाललाई सेल्फ डिफेन्स चौथो डान तथा अन्य पदकद्धारा सम्मान गरिएको थियो।
![](https://scontent.fktm1-1.fna.fbcdn.net/v/t1.15752-9/s2048x2048/84149686_760202211055675_8252079738508541952_n.jpg?_nc_cat=106&_nc_ohc=TsOsGF-0mlAAX_riPU0&_nc_ht=scontent.fktm1-1.fna&oh=51773d693624182ba21c8569ddcb9be9&oe=5ED0784C)
समापन कार्यक्रममा बोल्दै राखेप सदस्य सचिव रमेश सिलवालले यस्तो सम्मेलन विद्यालयमा सञ्चालन भए अझ राम्रो हुने बताए ।
‘सेल्फ डिफेन्सको सम्मेलन हुनु निकै राम्रो कुरा हो । यसको आवश्यकता महिलालाई मात्र नभई पुरुषहरुलाई पनि पर्छ । त्यसैले अझ यस्तो कार्यक्रम विद्यालयमा भए झनै राम्रो हुन्थ्यो,’ सिलवालले भने ।
यस्तै, संघका उपाध्यक्ष सञ्जु महर्जनले महिला आफैले आत्मसुरक्षा गर्न र आत्मविश्वास जगाउने काम यस संथाले गर्ने बताईन ।
‘विशेषगरी महिलालाई सेल्फ डिफेन्सको धेरै आवश्यकता हुन्छ । धेरै घटना भएको पनि सुनिरहेका छौं,' उनले भनिन्, 'सेल्फ डिफेन्सले महिलामा आत्मविश्वास जगाउनुको साथै आफ्नो सुरक्षा आफैले गर्नसक्ने हुन्छ ।’
![](https://scontent.fktm1-1.fna.fbcdn.net/v/t1.15752-9/s2048x2048/84141917_127582765098059_1796234359175380992_n.jpg?_nc_cat=101&_nc_ohc=JoAOlx-NljYAX99Zi1M&_nc_ht=scontent.fktm1-1.fna&oh=0c9a280565f22a3f023eb4984009ba6d&oe=5E8FAB1F)
यसैगरी उनले विभिन्न गाउँ तथा विद्यालयमा गएर सेल्फ डिफेन्स गर्न सिकाउने योजना रहेको समेत बताईन् ।
‘यहाँबाट सिकेर गएका प्रशिक्षकहरुले गाउँका विद्यालय तथा महिला, पुरुषलाई सेल्फ डिफेन्स गर्न सिकाउने योजना रहेको छ,’ उनले थपिन् ।
सम्मेलन अन्तर्गत काठमाडौंसहित पोखरा, र जनकपुरमा प्रशिक्षण कार्यक्रम आयोजना भएको थियो ।
![](https://scontent.fktm1-1.fna.fbcdn.net/v/t1.15752-9/s2048x2048/83255391_730103700848920_8768253284713496576_n.jpg?_nc_cat=111&_nc_ohc=48Yx8Pt39Y4AX_pn7yn&_nc_ht=scontent.fktm1-1.fna&oh=1bd6594207f684ebec612fe166b8717f&oe=5E8D4F9D)
![](https://scontent.fktm1-1.fna.fbcdn.net/v/t1.15752-9/s2048x2048/84337690_615377422581403_7616110217159245824_n.jpg?_nc_cat=104&_nc_ohc=afXiIBhy0m0AX-NsGbX&_nc_ht=scontent.fktm1-1.fna&oh=c34047d8e6d0511f0f6741346330bb88&oe=5ECE981F)