इलाम । नेपालमा गोल्डकप प्रतियोगिताको स्थायित्व छैनन् । एन्फाले क्यालेन्डरमा समावेश गरेका पनि सिमित बाहेकका प्रतियोगिता आयोजना हुन सक्दैनन् । तर स्र्पोटर्स सिटीको उपमा पाएको इटहरीमा आयोजना हुने इटहरी गोल्डकपले भरखरै १३ औ संस्करणको प्रतियोगिता सम्पन्न गर्न सफल रहयो । राष्ट्रिय जागृति क्लबको आयोजनामा इटहरी गोल्डकप सफल पार्न पर्दा पछाडीको भुमिका रहने व्यक्तित्व अनुरोध थापा हुन् ।
प्रतियोगिता संयोजक रहेको थापाको दौडधुप प्रतियोगिता भन्दा १ महिना अघि बाट आर्थिक श्रोत जुटाउनमै हुन्थ्यो । उनी प्रतियोगिताभरी स्टेजमा देखिएनन् प्रतियोगिता सम्पन्न गर्नका लागि आर्थिक श्रोत जुटाउनमै उनको ध्याउन्न हुन्थ्यो । इटहरी गोल्डकपको मेरुदण्ड हुन् थापा । तर यो तर्कसंग उनी सहमत हुन सक्दैनन् । थापा टिमवर्क नै इटहरी गोल्डकपको मेरुदण्ड भएको बताउँछन् । १३ औं संस्करणको इटहरी गोल्डकप र आगामी लक्ष्यका बारेमा थापासँग प्रदेश-१ संयोजक नमीन ढकालले गरेको कुराकानी ।
इटहरी गोल्डकपको परिकल्पना कसरी गर्नुभयो ?
इटहरी गोल्डकप हामीले अरु गोल्डकप जस्तो दानबहादुर गोल्डकप गर्दै गर्दा पछि ठाँउको पहिचानको हिसाबले इटहरी गोल्डकप राखौ भन्ने सल्लाहले निरन्तरता दिने भनेर संचालन गरिरहेको छौ । अहिले १३ औं संस्करण सम्पन्न गरिसकेका छौ ।
१३ औं संस्करण सफल पार्नुभयो तर पनि मोफसलमा फुटबल आयोजना गर्नका लागि के कस्ता कठिनाईहरु छन् ?
मोफसलमा प्रतियोगिता गर्न सबैभन्दा ठुलो आर्थिक पाटो नै हुन्छ । अहिले बजारको स्थिती हेर्दा आर्थिक सहयोग जुटन् नसकिरहेको अवस्थामा स्थानीय सरकार, राष्ट्रिय खेलकुद परिषदबाट निरन्तर भइरहेको गोल्डकपलाई बजेट रेडबुकका उल्लेख गर्दा अलिकती सहज हुन्छ की ? भन्ने छ ।
.JPG)
इटहरीलाई स्र्पोटर्स सिटीको रुपमा समेत विकास भइरहेको छ । फुटबल आयोजक भएको हिसाबले अरु के के गर्नपर्छ जस्तो लाग्छ ?
स्पोटर्स सिटीको लागि भएको पुर्वाधारलाई स्थानीय सरकारले ग्रहण गर्न जरुरी छ । होमवर्क हुँदैछ राखेपबाट स्र्पोटर्स सिटी घोषणा हुने कार्य भइसकेको हो पहिले । अब स्थानीय स्तरबाट स्तरोन्नती गर्दै विकास गरेर अघि बढ्ने हिसाबमा तयारी हुँदैछ । आशा छ चाडै हुन्छ ।
१३ औ संस्करणसम्म कसरी आइपुग्यो । अधिकाँश गोल्डकपहरु बिचमै हराउँछन् ? तपाईहरुसंग त्यस्तो के छ जसले इटहरी गोल्डकपलाई सबल बनाएको छ ?
सबैभन्दा ठुलो टिमवर्कको योगदान छ । हाम्रो टिम छ राष्ट्रिय जागृति क्लब यहाँको पुरानो संस्था हो । स्थानीय व्यक्ति, उद्योगी, व्यवसायीहरु सबै खाले मानिसहरु अटाएका छन् । स्थानीय सरकारबाट पनि सहयोग भएको छ । राखेपबाट निरन्तर सहयोग भइरहेको छ । प्रायोजकहरुबाट समेत विश्वास पाएकाले निरन्तरता दिन सकिरहेका छौ । हाम्रो टिमका सबै सदस्यहरुले आफ्नो जिम्मेवारी कुशलतापुर्व निर्वाह गरेको कारण नै इटहरी गोल्डकपले पुर्वमा आफ्नो छाप छाडेको छ । सबैको एकता नै इटहरी गोल्डकपको सफलता हो ।
आगामी १४ औ संस्करणमा इटहरी गोल्डकपमा के फरक पाउँछौ ?
१४ औ संस्करणमा केही फरकपन पाउँनुहुन्छ । सहभागी टिमहरुको स्तर समेत बढाउनेछौ । अहिले ८ वटा टिम सहभागि भइरहेकोमा आगामी संस्करणबाट १० पु¥याउने लक्ष्य छ । टिमअप राम्रो भएकाले लक्ष्य पुरा हुनेमा विश्वस्त छु ।
रात्रिकालिन खेलकुदको सम्भावना इटहरीमा कस्तो छ ?
इटहरी स्र्पोटर्स सिटी समेत भएकाले रात्रिकालिन खेलकुदको सम्भावना उच्च छ । पुर्वाधार सहितको प्रादेशिक रंगशाला छ । अहिले फ्ल्र्ड लाइट नभएको कारण रात्रिकालिन खेलकुद यो बर्ष सम्भव भएन् । तर हामी आगामी संस्करण रात्रिकालिन फुटबल गर्दैछौ । प्रदेश सरकारबाट फ्ल्र्ड लाइट व्यवस्थापनको बजेट समेत विनियोजन भएको छ । काम पनि तिव्र गतिमा भइरहेको छ । प्रदेश बोर्डका सदस्य सचिवले १३ औ संस्करणमा आएर फ्ल्र्ड लाइटका लागि आवश्यक श्रोत साधन व्यवस्थापन गर्ने वचन समेत दिनुभएको छ । आगामी संस्करण इटहरीबासीले रात्रिकालिन फुटबल हेर्न पाउने वातावरण तयार भइरहेको छ ।
अन्त्यमा केही भन्नु छ की ?
सबै क्षेत्र प्रायोजक, राखेप, खेलकुद बोर्ड र स्थानीय सरकारबाट राम्रो सहयोगका लागि धन्यवाद दिँदै आगामी बर्ष अझ परिस्कृत प्रतियोगिता लिएर आउने विश्वास दिलाउँछौ । इटहरीलाई चिनाउने माध्यम फुटबल र खेलकुद बनाउने हाम्रो मूख्य लक्ष्य हो ।
1685540445.JPG)
1685536906.jpg)
