नाम – पलेसा गोवर्धन
जन्म – २००३ जुलाई २५
खेल – पारा तेक्वान्दो खेलाडी (ब्लाक बेल्ट)
पदक – १ स्वर्ण, १ कास्य
शिक्षा – ९ कक्षा (अध्यनरत)
आमा र बुबा – मनिता श्रेष्ठ गोवर्धन र प्रदिप गोवर्धन
स्थायी ठेगाना – काठमाडौं, बैंक मार्ग बागबजार
सम्पर्क नम्बर – ९८०८८५१८७०, ४२४२०६५
पलेसा गोवर्धन नेपाली पारा तेक्वान्दो खेलमा उदाउदो तारा हुन् । नेपालमा पारा तेक्वान्दोको सफलता जति छोटो छ, पलेसाको पारा तेक्वान्दोमा प्राप्त गरेको सफलता पनि उत्तिकै छोटो छ ।
पलेसाले पारा तेक्वान्दो खेलमा प्रवेश गरेको छोटो समयमै आफुलाई अब्बल दर्जाको खेलाडी प्रमाणित गरिसकेकी छिन् । र, पलेसाको खेलकुदको यात्रा निरन्तर अगाडी बढी रहने छ ।
पलेसा जन्मजात अपाङ थिइन् । पलेसाको दाहिने हातले काम गर्न सक्दैन्, उनको दाहिने हातको नाडीमुनीको भाग जन्मजातै छैन । तर, पलेसाले अहिले सपाङ खेलाडीले जस्तै नेपालको नाम रोशन गरिरहेकी छिन् ।
डीएभी स्कुलमा कक्षा ५ बाट तेक्वान्दो खेल्न सिकेकी पलेसाले चार बर्ष नवित्दै राष्ट्रिय तथा अन्तर्राष्ट्रिय पदक जितिसकेकी छिन् ।
काठमाडौँ डोजाङमा निर्मल श्रेष्ठबाट तेक्वान्दो सिकेकी पलेसाले यसै महिना भियतनामको होचिमिन्हमा सम्पन्न चौथो एसियन पारा तेक्वान्दो च्याम्पियनसिपमा कास्य पदक जितेकी थिइन् । यो च्याम्पियनसिप विश्व तेक्वान्दो महासंघ र एसियाली तेक्वान्दो युनियनद्वारा मान्यता प्राप्त र्याकिङ प्रतियोगिता हो ।
पलेसा गत बर्ष दुई अन्तर्राष्ट्रिय प्रतियोगितामा भने पाँचौ स्थानमा रहेकी थिइन् । पलेसाले पहिलो अन्तर्राष्ट्रिय प्रतियोगिता गत बर्ष दक्षिण कोरियामा भएको एसियन पारा तेक्वान्दो ओपन खेलेकी थिइन् । त्यस्तै पलेसाले गत बर्ष नै लण्डनमा सम्पन्न विश्व पारा तेक्वान्दो च्याम्पियनसिप खेलेकी थिइन् । दुवैमा पलेसा पाँचौ स्थानमा रहेकी थिइन् ।
नेपालको लागि सुरुवाती दुई प्रतियोगितामा पदक ल्याउन नसकेपनि तेस्रो सहभागिता कास्य पदक जित्दा खुसीले गदगद छिन् , पलेसा । पलेसालाई चौथो अन्तर्राष्ट्रिय प्रतियोगितामा भने स्वर्ण जित्ने लक्ष्य छ ।
लण्डनमा हुने विश्व पारा तेक्वान्दो च्याम्पियनसिपको तयारीमा रहेकी पलेसाले भन्छिन् , 'भियतनाममा कास्य जित्दा एकदमै खुसी लाग्यो । देशको लागि पदक जित्दा निकै खुसी लाग्छ । अब लण्डनमा हुने प्रतियोगितामा भने स्वर्ण जित्ने छु ।'
पलेसाले काठमाडौंमा यसै महिना सम्पन्न दोस्रो काठमाडौं अन्तर्राष्ट्रिय क्योरोगी तथा पुम्से तेक्वान्दो च्याम्पियनसिपमा स्वर्ण जितेकी थिइन् । र, पलेसा अझै पदकमा भोको छिन् । पलेसालाई अब आफ्नो अन्तर्राष्ट्रिय पदकको संग्ख्या बढाउनु छ, चाङ लगाउनु छ । भन्छिन् , 'तेक्वान्दोमा मलाई धेरै गर्नु छ । मेरो यात्रा यति मात्र हैन । म सकिन्जेल तेक्वान्दो खेलमा रहन्छु । मलाई धेरै पदक जित्नु छ ।'
नेपाली पारा तेक्वान्दोमा आफुलाई स्थापित गराउन पलेसालाई उनको परिवारको साथ उत्तिकै छ । पलेसाका हरेक कार्यमा बुबा प्रदिप गोवर्धनसँगै हुन्छन् । छोरीको हरेक इच्छा, चाहना र सफलतामा बुबाको साथ छ ।
पलेसाको सफलतामा प्रदिप पनि खुसी छन् । प्रदिप भन्छन् , 'हाम्रो परिवारका सदस्य पहिले खेलकुदमा थिएन । अहिले छोरी खेलकुदमा छिन् । उनको सफलता नै हाम्रो खुसी हो । उनले पाएको सफलतामा खुसी छौ ।'
1680159079.JPG)
