इटहरी । प्रदेश एक स्तरीय पुरुष ह्यान्डबल प्रतियोगिताको उपाधि मोरङ जिल्लाले जितेको छ ।
आइतबार सुनसरीको इटहरीस्थित खनारमा भएको फाइनल खेलमा उदयपुरको टिमलाई १६-६ ले हराउँदै मोरङले उपाधि जितेको हो ।
यसैगरी पुरुष ह्याण्डबलतर्फ कास्य पदक ओखलढुंगाले जितेको छ । भोजपुरलाई हराउँदै ओखलढुंगा तेस्रो भएको हो।
फाइनल खेलको समापन पछि खेलाडीलाई मेडल तथा प्रमाणपत्र वितरण गर्दै प्रदेश खेलकुद विकास बोर्डका सदस्य सचिव हंशराज वाग्लेले प्रदेश एकको लागि नवौँ राष्टिय खेलकुद प्रतियोगितामा उत्कृष्ट प्रदर्शन गरेर मेडल ल्याउन शुभकामना दिएका थिए ।
खेलाडीलाई सम्बोधन गर्दै सदस्य सचिव वाग्लेले अव खेलकुदको लागि खेलाडीसँगै मिलेर एउटा आन्दोलनको आवश्यकता रहेको समेत औल्याए ।
महिलातर्फ शनिबार उदयपुर प्रथम बनेको थियो भने भोजपुर द्धितिय र मोरङ तेस्रो बनेको थियो ।
