काठमाडौं । दोस्रो संस्करणको के-एनईपी फुटसल प्रतियोगिता भोलि शनिबार आयोजना हुने भएको छ ।
के-एनईपी गेमिङ अर्गनाइजेसनको आयोजनामा हुने प्रतियोगितामा ८ टोलीको सहभागिता रहनेछ ।
चुच्चेपाटीस्थित लुम्बिनी फुटसलमा आयोजना हुने प्रतियोगिताको विजेताले उपाधि ट्रफीसहित १० हजार पाउने छन् ।
यस्तै उपविजेताले ५ हजार प्राप्त गर्दा उत्कृष्ट खेलाडी, उत्कृष्ट गोलकिपर, फेयर प्लेयर र सर्वाधिक गोलकर्तालाई ट्रफी प्रदान गरिने छ ।
दक्षिण कोरियामा रहेको अर्गनाइजेसनले दोस्रो पटक यस प्रतियोगिता आयोजना गर्न लागेको नेपाल प्रमुख संयोग ढकालले जानकारी गराए ।
ढकालले प्रतियोगिताको सम्पूर्ण तयारी समेत सकिएको जानकारी गराए ।
![](https://scontent.fktm6-1.fna.fbcdn.net/v/t39.30808-6/314721021_583224473803309_8751261016735542715_n.jpg?_nc_cat=101&ccb=1-7&_nc_sid=8bfeb9&_nc_ohc=wIUTspWMIFcAX-PhAuc&tn=brKuN20vdhPRC6Jq&_nc_ht=scontent.fktm6-1.fna&oh=00_AfCND67RXLwOXvGy1HMHEP9ycd2JNaby3TsPMKkF1HqeeQ&oe=638EFE3E)