काठमाडौं । कतारमा जारी फिफा विश्वकप फुटबलको अन्तिम प्रि-क्वाटरफाइनलमा आज मंगलबार पोर्चुगल र स्विट्जरल्यान्डबीच प्रतिस्पर्धा हुँदैछ ।
पोर्चुगल र स्विट्जरल्यान्डबीचको खेल लुसिल स्टेडियममा हुनेछ । यस खेल राति १२:४५ बजे सुरु हुनेछ ।
आज पोर्चुगल र स्विट्जरल्यान्ड जित निकाल्दै अन्तिम आठमा पुग्ने योजनामा रहेका छन् ।
पोर्चुगल समूह 'एच' को विजेता र स्विट्जरल्यान्ड समूह 'जी' को उपविजेता बन्दै नकआउट चरणमा पुगेको हो ।
हेड टु हेड -
पोर्चुगल र स्विट्जरल्यान्डबीच विश्वकपमा पहिलो पटक आमनेसामने गर्न लागेका हुन् ।
तर, पोर्चुगल र स्विट्जरल्यान्डबीच हालसम्म २५ खेल भएको छ । जसमा पोर्चुगलले ९ खेल जित्दा स्विट्जरल्यान्डले ११ खेलमा जित निकालेको छ । दुई टोलीबीच ५ खेल बराबरीमा सकिएको छ ।
सम्भावित सुरुआती-११
पोर्चुगल - डियोगो कोस्टा, जोआ कान्सेलो, रुबेन डायस, पेपे, राफेल गुरेरियो, रुबेन नेभेस, विलियम कार्भाल्हो, बर्नार्डो सिल्भा, ब्रुनो फर्नान्डेस, जोआ फेलिक्स, क्रिस्टियानो रोनाल्डो
स्विट्जरल्यान्ड - यान सोमर, सिल्भान विडमर, निको एल्वेदी, म्यानुअल एकान्जी, रिकार्डो रोड्रिग्ज, रेमो फ्र्युलर, ग्रानिट झाका, मोहमेथ सो, रुबेन भार्गास, जेर्दान शाकिरी, ब्रेल ईम्बोलो
प्लेयर्स टु वाच -
यस खेलमा पोर्चुगलका क्रिस्टियानो रोनाल्डो र स्विट्जरल्यान्डका ब्रेल इम्बोलो प्लेयर्स टु वाचमा रहेका छन् ।
