काठमाडौं । इंग्ल्यान्ड कतारमा जारी फिफा विश्वकप फुटबलको क्वाटरफाइनलमा प्रवेश गरेको छ ।
अल बयात स्टेडियममा आइतबार राति सेनेगललाई ३-० गोल अन्तरले हराउँदै इंग्ल्यान्ड अन्तिम आठमा पुगेको हो ।
इंग्ल्यान्डलाई जित दिलाउन जोर्डन हेन्डरसन, ह्यारी केन र बुकायो साकाले एक एक गोल गरे ।
खेलको ३८ औं मिनेटमा हेन्डरसनले गोल गर्दै इंग्ल्यान्डलाई सुरुआती अग्रता दिलाएका थिए ।
पहिलो हाफको इन्जुरी समयमा केनले गोल गर्दै इंग्ल्यान्डलाई २-० को अग्रता दिलाए ।
![Image](https://pbs.twimg.com/media/FjKGfjmX0AEK_4i?format=jpg&name=large)
त्यसपछि खेलको ५७ औं मिनेटमा साकाले गोल गर्दै इंग्ल्यान्डलाई ३-० को जित दिलाए ।
अब इंग्ल्यान्डले अन्तिम आठमा फ्रान्सको सामना गर्नेछ ।
पोल्याण्डलाई हराएर फ्रान्स क्वाटरफाइनलमा पुगिसकेको छ ।
सेनेगल प्रतियोगिताबाट बाहिरिएको छ ।
![Image](https://pbs.twimg.com/media/FjKJG1bWYAkxRoB?format=jpg&name=4096x4096)
![Image](https://pbs.twimg.com/media/FjKS4jhXkAAWczB?format=jpg&name=large)