काठमाडौं । नेपालले १३ औं दक्षिण एशियाली खेलकुद (साग) अन्तर्गत पुरुष फुटबलमा स्वर्ण पदक जितेको छ ।
त्रिपुरेश्वरस्थित दशरथ रंगशालामा मंगलबार भुटानलाई २-१ गोल अन्तरले पराजित गर्दै नेपालले स्वर्ण पदक जितेको हो ।
यससँगै सागमा नेपालको स्वर्ण संख्या ५१ पुगेको छ ।
नेपाललाई स्वर्ण दिलाउन अभिषेक रिजाल र सुनिल बलले एक एक गोल गरे ।
![](https://scontent.fktm8-1.fna.fbcdn.net/v/t1.15752-9/s2048x2048/79327336_478355582804660_665066108008529920_n.jpg?_nc_cat=107&_nc_eui2=AeGq3N1hlS9rOQ-AIXJdflalPd49I9Zx2JHN6T-ylXEMf7kYUGVuJ20tNnH063KeFTJXGOBUA3UzxQVNzhsieGAz1yKb7QExh0WnS9u_Xv0nsA&_nc_ohc=026UUKrUKCYAQkfb_8F4AV12U71bzz4mbaLjcUNS0g2p74dXJwTR3aWPA&_nc_ht=scontent.fktm8-1.fna&oh=67cbfb5c20e745afeff204fec47884a2&oe=5E86C5B2)
खेलको १६ औं मिनेटमा अभिषेकले गोल गर्दै नेपाललाई अग्रता दिलाएका थिए । खेलको ३७ औं मिनेटमा कप्तान चेन्चो ग्याल्सेनले गोल गर्दै भुटानलाई खेलमा फर्काए ।
तर, खेलको ५४ औं मिनेटमा सुनिलले गोल गर्दै नेपाललाई स्वर्ण पदक दिलाए ।
यससंगै नेपालले लगातार दोस्रो पटक साग फुटबलमा स्वर्ण पदक जितेको छ । भारतमा सम्पन्न १२ औं सागमा नेपालले घरेलु टोलीलाई हराएर स्वर्ण जितेको थियो । यस्तै समग्रमा नेपालले चौंथो पदक स्वर्ण पदक जितेको छ ।
भुटानले भने पहिलो पटक साग फुटबलमा रजत पदक जितेको छ । पहिलो पटक फाइनल पुगेको भुटानले पहिलो पटक रजत जितेको हो ।
![](https://scontent.fktm8-1.fna.fbcdn.net/v/t1.15752-9/78955940_544806586366290_7079092035025633280_n.jpg?_nc_cat=108&_nc_eui2=AeGFlZqU_P0LoNwnVZrp2ld4C9vxTubdNq22bhHxx0kJ75hxwZt9wvaGP1NcsonTe_84UvCPVhGNs-J2oJsHRhA6QqX6l_IcyixT0MGCeqKxiw&_nc_ohc=GJRmrpdM7EYAQnWMT09TVU9ZZhXdroSTWqStUv7CJRevVoUlhISMXCXTw&_nc_ht=scontent.fktm8-1.fna&oh=8ffd8205feff77344436d6a250ed9904&oe=5E816416)