काठमाडौं । युवा तथा खेलकुद मन्त्रालयको जिम्मेवारी सम्हाल्न आईपुगेका छन्, जगत विश्वकर्मा । कास्कीबाट निर्वाचित भएर प्रतिनिधि सभामा आएका विश्वकर्मालाई प्रधानमन्त्री केपी शर्मा ओलीले खेलकुद मन्त्रालयको जिम्मेवारी सुम्पिएका छन् ।
नयाँ सरकार विकास र समृद्धिका नारामा केन्द्रित छ । खेलकुदको श्रीवृद्धि गर्ने नेतृत्वमा आएका मन्त्री विश्वकर्माले रुसमा जारी विश्वकपलाई कसरी हेरको छन् । खेलपाटीले विश्वकप फुटबल र समसामयिक विषयमा गरेको खेलकुद मन्त्री विश्वकर्मासंग कुराकानी गरेको छ ।
विश्वकप कत्तिको लागिरहेको छ ?
– फुर्सद हुँदा टेलिभिजन हेर्छु । त्यति धेरै फुर्सद हुँदैन । मिलेसम्म फुटबल हेर्ने गरेको छु ।
कहिलेबाट फुटबल र विश्वकपलाई पछ्याउन थाल्नुभयो ?
– फुटबल हेर्न लागेको धेरै भयो । यो भन्दा अगाडि विश्वकपमा अनुकूलता हुँदा टेलिभिनमा हेर्ने हेरिन्छ । अहिले त दौडधुपले हेर्न पाईदैन् । यसपटकको उद्घाटन खेलमा समेत घर बाहिर भएको बेला परियो । बिजुली उपलब्ध हुने ठाउँ पाइएन । तर समय हुँदा त्यस पछाडिका म्याचहरु मिलाएर हेर्ने गरेको छु ।
मन पर्ने टिम कुन हो ? अथवा कुन राष्ट्रको समर्थन गर्नुहुन्छ विश्वकपमा ?
– यसपटक विश्वकपमा सहभागि हुने सबै हाम्रा मित्र राष्ट्रलाई सफलता र सुभेक्षा व्यक्त गरेको छु । सबै टिमप्रति मेरो उत्तिकै सद्भाव छ ।
तपाईको मन गर्ने खेलाडी कुन हो ? जसले अहिले विश्वकप खेलिरहेको छ ?
– खेलाडीमा त अहिले चर्चामा भएका नै हो मन पर्ने । जसले आकर्षण खेल प्रदर्शन गरिरहेका छन्, उनीहरुको प्रतिभालेनै मलाई लोभ्याउने गर्छ ।
नेपाली फुटबल दक्षिण एसियाली प्रतियोगिता भन्दा माथि उठ्न सकेको छैन । तपाई खेलकुद मन्त्रालयको नेतृत्वमा रहदै गर्दा नेपालले विश्वकप कहिले खेल्छ ? नेपालीको विश्वकपको सपना कत्तिको सार्थक रहन्छ ?
– अब फुटबलको सन्दर्भ मात्रै हैन, हामीले समग्र नेपालको खेल क्षेत्रको विकास समृद्धि हासिल गरेर अन्तराष्ट्रिय पदक तालिकामा नेपालको स्थानलाई कसरी माथि उठाउने भन्ने लक्ष्यकासाथ अघि बढेका छौ । सोही अनुसार खेलकुदका पुर्वाधार निर्माण गर्ने, रङशालाहरु निर्माण गर्ने, अन्तराष्ट्रिय रङ्गशाला काठमाण्डौँमा बनाउनकालागि कार्य योजनाकासाथ अघि बढेका छौ ।
सातवटै प्रदेशमा आधुनिक सेवा सुबिधा सम्पन्न रङ्गशाला निर्माणकालागि बजेटको व्यवस्था गरेका छौ । स्थानिय तहका प्रत्येक खेलकालागि भौतिक पुर्वाधार हुनुपर्छ भनेर भनेर हामी अघि बढेको अवस्था छ । खेलाडीलाई खेल्ने वातावरण निर्माणकोलागि, उनीहरुको भविष्य सुनिश्चित गर्नकालागि राज्यले दिने सेवा सुविधा र नियमित तालिम र प्रतियोगिताको नियमित सञ्चालनकालागि योजना बनाएर अघि बढिरहेका छौ ।
फुटबलको सन्दर्भमा, विगतमा केही समय अखिल नेपाल फुटबल संघ (एन्फा)मा समेत केही समस्या भए । जसले गर्दा फुटबलले गति लिन सकेन् । फुटबलले जसरी अघि बढ्न पर्दथ्यो त्यो हुन सकेन ।
एन्फाको साधारण सभाबाट नयाँ नेतृत्व आएको छ । फुटबलले कहिले गति लिन थालेको छ । फुटबलका नियमित प्रतियोगिता संचालन गर्नेदेखि नयाँ खेलाडीको उत्पादनमा एन्फाले कार्यक्रम बनाएर अगाडी बढ्दै छ । आशा गरौं केही दशकमा हाम्रो अवस्थाले विश्वकपको अवसर प्राप्त गर्नेछ भनेर विश्वास लिएका छौं ।
-1752846588.jpeg)
