नेपाल ‘ए’ लाई २२३ रनको लक्ष्य

काठमाडौँ। आयरल्यान्ड उल्भ्सले तीन टी–२० शृंखलाअन्तर्गत पहिलो खेलमा नेपाल ‘ए’ लाई २२३ रनको लक्ष्य दिएको छ।

कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ थालेको आयरल्यान्डले निर्धारित २० ओभरमा ५ विकेट गुमाउँदै २२२ रन बनाएको हो।

आयरल्यान्डका पिटर मुरले सर्वाधिक ४९ रन बनाए। ३२ बल खेलेका उनले ४ चौका र ३ छक्का प्रहार गरे।

केड कर्माइकल र कप्तान निल रकले ३८/३८ रन बनाएर आउट हुँदा स्टीफन डेहेनीले ३४ रनको योग्दान दिए।

ग्यारेथ डेलानी ३० र र गेभिन होई १८ रनमा अविजित रहे।

नेपालका कमलसिंह ऐरीले सर्वाधिक ३ विकेट लिए। सागर ढकाल र आरिफ शेखको नाममा १/१ विकेट रह्यो।