एकदिवसीयमा इंग्ल्यान्डको कीर्तिमानी योगफल

काठमाडौं । इंग्ल्यान्डले एकदिवसीय अन्तराष्ट्रिय क्रिकेटमा कीर्तिमानी योगफल बनाएको छ ।

नेदरल्यान्ड्सविरुद्धको पहिलो एकदिवसीय अन्तराष्ट्रियमा ५० ओभरमा ४ विकेट गुमाएर ४ सय ९८ रनको योगफल बनाउँदै इंग्ल्यान्डले कीर्तिमान बनाएको हो ।

इंग्ल्यान्डले आफ्नै नामको कीर्तिमान भङ्ग गरेको हो ।

इंग्ल्यान्डले यस अघि २०१८ मा अष्ट्रेलियाविरुद्ध ६ विकेट गुमाएर ४ सय ८१ रनको कीर्तिमान बनाएको थियो ।

टस हारेर पहिले ब्याटिङ गरेको इंग्ल्यान्डका लागि तीन खेलाडीले शतक बनाए ।

जोस बट्लरले अविजित रहदै १ सय ६२ रनको शतकीय इनिङ खेले ।

यस्तै डाविड मालनले १ सय २५ तथा फिल साल्टले १ सय २२ रनको शतकीय इनिङ खेले ।

लियाम लिभिङस्टोन ६६ रनमा अविजित रहे ।

नेदरल्यान्ड्सका पिटर सिलारले २ विकेट लिए ।