एजेन्सी । भारतविरुद्वको दोस्रो टेष्ट घरेलु टोली अष्ट्रेलियाले जितेको छ । पर्थमा भएको दोस्रो टेष्ट घरेलु टोलीले १ सय ४६ रनले जितेको हो । २ सय ८७ रनको लक्ष्य पछ्याएको पाहुना टोली भारत १ सय ४० रनमा समेटियो ।
जितसंगै चार म्याचको टेष्ट सिरिज अष्ट्रेलियाले १–१ को बराबरी गरेको छ ।
दोस्रो पालीमा अष्ट्रेलियाका मिचेल स्टार्क र नाथन लियोनले ३÷३ विकेट लिएपछि पाहुना टोली पराजित हुन पुग्यो ।
चौथो दिने २ सय ८७ रनको लक्ष्य पछ्याएको भारतले १ सय १२ मा ५ विकेट गुमाएको थियो । अन्तिम दिन भारतले २८ रनमात्र जोड्न सक्यो । पाँचौ तथा अन्तिम दिन जसप्रीत ब्रुमराह शुन्य रनमा आउट भए । ईशान्त शर्मा शुन्य रनमा पोवेलियन फर्किए । भारतले १ सय ४० रन बनाउन ९ विकेट गुमाएको थियो ।
पहिलो पालीमा अष्ट्रेलियाले ३ सय २६ रन बनाएको थियो । भारत २ सय ८३ रन बनाएर पहिलो पालीमै ४३ रनले पछाडी परेको थियो । दोस्रो पालीमा अष्ट्रेलियाले २ सय ४३ रन बनाएर भारतलाई जितका लागि २ सय ८७ रनको लक्ष्य प्रस्तुत गरेको थियो । तर भारत १ सय ४० रनमा अलआउट हुन पुग्यो ।