नेपालगन्ज । एमलाइफ क्रिकेट क्लबले खैरी प्रिमियम लिग २०२३ (केपीएल) क्रिकेट प्रतियोगिताको उपाधि जितेको छ।
बर्दियाको गुलरियास्थित बबई बहुमुखी क्याम्पसको मैदानमा भएको फाइनलमा रनियापुर स्पोर्ट्स क्लबलाई ४२ रनले पराजित गर्दै एमलाइफले च्याम्पियन ट्रफी उचालेको हो ।
टस जितेर ब्याटिङ रोजेको एमलाइफले निर्धारित २० ओभरको खेलमा १७२ रन जोड्न सफल भयो । त्यसक्रममा रनियापुरले ६ विकेट लिएको थियो ।
१७३ रनको विजयी लक्ष्य लिएको रनियापुर १३० रनमै सिमित भएको थियो । एमलाईफका लागि सर्वाधिक ४७ रनको योगदान गरेका रविन्दर म्यान अफ द सिरिज घोषित भए । एमलाइफले विजयी ट्रफी सहित नगद ४० हजार पुरस्कार प्राप्त गर्न सफल भयो ।
उपविजेता रनियापुरले नगद २० हजारमा चित्त बुझायो । ब्ल्याक बक क्रिकेट क्लबले आयोजना गरेको प्रतियोगितामा भारतीय दुई टिम सहित बाँके र बर्दियाका गरी १२ टिमले भाग लिएका थिए ।
एमलाइफले मनोज यादवको कप्तानीमा टिम मैदानमा उतारेको थियो । एमलाइफले डेब्यु प्रतियोगितामा उपाधि जित्दा निकै उत्साहित बनेका एमलाईफका सिइओ राजकुमार चन्दले आगामी दिनमा समेत निरन्तर प्रतियोगितामा टिम समावेश गराइने बताए ।
1685540445.JPG)
1685536906.jpg)
