काठमाडौं । घरेलु टोली दक्षिण अफ्रिकाले इंग्ल्याण्डसँगको एकदिवसीय सिरिज जितेको छ ।
आईतबार भएको दोस्रो एकदिवसीय खेलमा ५ विकेटको जित हासिल गरेर घरेलु टोलीले तीन खेलको सिरिज २-० ले जित हात पारेको हो ।
पाहुना टोलीले दिएको ३ सय ४३ रनको लक्ष्य पछ्याएको घरेलु टोलीले ४९.१ ओभरमा ५ विकेट गुमाएर ३ सय ४७ रन बनायो ।
घरेलु टोलीका लागि कप्तान टिम्बा बमुभाले शतकीय ईनिङ खेले । बमुभाले १ सय २ बलमा १४ चौका र १ छक्काको सहयोगमा १ सय ९ रन बनाए । उनले ९० बलमा १०० रन बनाएका थिए ।
डेबिड मिलरले ३७ बलमा अविजित ५८ रनको अर्धशतकीय ईनिङ खेले । एडम माकरमले ४९ रन बनाउँदा रासी भान डार डुसनले ३८ रन बनाए ।
मार्को यानसन ३२ रनमा अविजित रहँदा क्विटन डि कक ३१ रनमा आउट भए । हेन्रिक केल्सन २७ रनमा आउट भए ।
भ्रमणकारी टोलीका लागि ओली स्टोनी र आदिल रसिदले समान २/२ तथा साम करनले १ विकेट लिए ।
त्यसअघि पहिले ब्याटिङ गरेको पाहुना टोलीले ५० ओभरमा ७ विकेट गुमाएर ३ सय ४२ रन बनाएको थियो ।
पाहुना टोलीका लागि मोईन अलि,ह्यारी ब्रुक्स र जोस बटलरले अर्धशतकीय ईनिङ खेले । कप्तान बटलरले ८२ बलमा अविजित ९४ रन बनाउँदा ब्रुक्सले ७५ बलमा ८० रन बनाए ।
मोईन अलि ५१ रनमा आउट हुँदा साम करनले २८ रन बनाए । बेन डुकेटले २० रन बनाउँदा क्रिस वोक्सले १४ रन बनाए ।
डाबिड मलान १२ रनमा आउट हुँदा घरेलु टोलीले ३४ रन अतिरिक्त रुपमा दिएको थियो ।
घरेलु टोलीका लागि एन्रिक नोर्कियाले २ तथा वाईनि पार्नेल,लुङ्गी एन्गिडी,मार्को यान्सन,केशब महाराज र एडम माकरमले समान १/१ विकेट लिए ।
तेस्रो एकदिवसीय आगामी बुधबार हुनेछ ।
1680159079.JPG)
