काठमाडौं । पाकिस्तानका बलर हरिस राउफले इंग्ल्यान्डविरुद्धको दोस्रो टेस्ट गुमाउने भएका छन् ।
पहिलो टेस्टको दौरान बोकेको चोटका कारण राउफले दोस्रो टेस्ट गुमाउने भएका हुन् ।
पहिलो टेस्टमा फिल्डिङ गर्ने क्रममा उनको दाहिने फिलामा चोट लागेको थियो ।
२९ वर्षीय बलरले पहिलो टेस्टमा मात्र १ विकेट लिएका थिए ।
घरेलु टोलीले पहिलो टेस्टमा इंग्ल्यान्डसँग ७४ रनको हार व्यहोरेको थियो ।
पाकिस्तान र इंग्ल्यान्डबीचको दोस्रो टेस्ट मुल्तानमा शुक्रबार सुरु हुनेछ ।