काठमाडौं । नेपाली क्रिकेट टोलीका कप्तान पारस खड्काले एसिया कप छनोट खेलमा नेपालले ब्यहोरेको पराजयलाई स्विकार गरेका छन् ।
छनोट प्रतियोगिता खेलेर काठमाडौं ओर्लिए लगत्तै त्रिभुवन अन्तराष्ट्रिय विमानस्थलमा सञ्चारकर्मीसंग कप्तान खड्काले प्रतियोगितामा आफुहरुले राम्रो खेल्न नसकेको बताए ।
‘जुन तरिकाले तयारी गरेका थियौ । निराश छौ । राम्रो अवसर गुमाएका छौ ।’ उनले भने ।
नेपालकालागि ब्याटिङ जहिल्यै समस्या हुने गरेको उल्लेख गर्दै उनले क्षमता अनुसार नेपालले प्रर्दशन गर्न नसकेको बताए ।
नेपाली क्रिकेटप्रति शुभचिन्तकको धेरै अपेक्षा रहेको उल्लेख गर्दै उनले छनोट खेलमा नेपालको नराम्रो प्रर्दशनको जिम्मेवारी आफु लगायत सबै खेलाडीले लिने बताए ।
