काठमाडौं । थाइल्याण्डको फुकेटमा संचालन भईरहेको थाइल्यान्ड अन्तर्राष्ट्रिय खुला बक्सिङमा नेपालकी पुनम रावलले कास्य पदक जितेकी छिन् ।
पुनमले महिला ६० केजी तौल समूहमा कास्य पदक जित्न सफल भएकी हुन् । वाई पाएर सोझै सेमिफाईनल खेलेकी पुनमले फिलिपिन्सकी रिजा पसुइटसँग ३-२ को हार व्यहोरिन ।
पुनमलाई हराउने रिजाले फाइनलमा भारतका खेलाडीलाई पराजित गर्दै स्वर्ण जितिन् ।
महिलातर्फ नै नेपालकी मिनु गुरुङ ५१ केजी तौल समूहमा थाइल्यण्डका जुतामससँग ४-१ को स्पिलट डिसिजनमा पराजित भईन ।
त्यस्तै नेपालका एक मात्र पुरुष खेलाडी भुपेन्द्र थापा भियतनामका खेलाडीसँग पराजित भएका थिए ।
महिलातर्फ चन्द्रकला थापा इटालीका ओलम्पिक पदक विजेता खेलाडीसँग र सुष्मा तामाङ पनि इटालियन खेलाडीसँग पराजित भईन् ।
