काठमाडौं । उज्वेकिस्तानलाई हराउदै नेपालले काठमाडौंमा जारी एनएससी–काभा अन्तर्राष्ट्रिय महिला भलिबल प्रतियोगितामा तेस्रो स्थान हात पारेको छ ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा तेस्रो स्थानको लागि भएको खेलमा नेपालले उज्वेकिस्तानलाई ३-१ को सेटमा पराजित गरेको हो ।
पहिलो सेट गुमाएको नेपालले त्यसपछिका तीन सेटमा उत्कृष्ट पुनरागमनका साथ खेल जितेको हो । घरेलु टोली नेपालले ८ टोली सहभागी प्रतियोगितामा तेस्रो स्थानमा रहँदै प्रतियोगिता सकाएको छ । हारसँगै उज्वेकिस्तानले चौथो स्थानमा रहँदै प्रतियोगिता समाप्त गरेको छ ।
![No description available.](https://scontent.fktm6-1.fna.fbcdn.net/v/t1.15752-9/348368736_934670967650122_1402818563144548272_n.jpg?_nc_cat=111&ccb=1-7&_nc_sid=ae9488&_nc_ohc=_Y7v_jWHrnkAX8on2gb&_nc_ht=scontent.fktm6-1.fna&oh=03_AdTdJkh2e-eS-iJH-wTjXnbbxe6RnmBMqtRMpgr9TAifoA&oe=649A7EF8)
पहिलो सेट २५-२० ले गुमाएको नेपालले दोस्रो सेट २५-१६ ले जितेर खेलमा फर्किएको थियो । तेस्रो, चौथो सेट २५-१५ र २५-१३ मा जितेर नेपालले तेस्रो स्थान पक्का गरेको हो ।
शुक्रबार भएको सेमिफाइनलमा काजकस्तानसँग पराजित भएपछि नेपालले फाइनल पुग्नबाट बन्चित भएको थियो ।
![No description available.](https://scontent.fktm6-1.fna.fbcdn.net/v/t1.15752-9/348363012_768773714742300_8757724452865391373_n.jpg?_nc_cat=103&ccb=1-7&_nc_sid=ae9488&_nc_ohc=5p_-jDPBNzoAX-BdHit&_nc_ht=scontent.fktm6-1.fna&oh=03_AdRh56TK4EzBFj39XWIP7BGxdU2bF28OvRMiMQPCGjzgvw&oe=649A7E73)
उज्वेकिस्तान भने भारतसँग पराजित भएको थियो ।
उपाधिका लागि भारत र काजकस्तान भिड्ने छन् । फाइनल खेल दिउँसो ४:१५ बजे सुरु हुनेछ ।
राखेपको विशेष सहयोग तथा नेपाल भलिबल संघको आयोजनामा जारी प्रतियोगितामा ८ टोलीको सहभागिता रहेको थियो।