काठमाडौं । तेस्रो दक्षिण एसियाली सेपाकताक्रो च्याम्पियनसिप शुक्रबारबाट सुरु हुने भएको छ । नेपाल सेपाकताक्रो संघले मंगलबार पत्रकार सम्मेलनको आयोजना गर्दै प्रतियोगिताको असार २ देखि १० गतेसम्म हुने जानकारी दिएको हो ।
दुई दिने प्रतियोगिता राजदल ब्यारेकको कभर्ड हलमा हुनेछ । प्रतियोगितामा पुरुष टिमले रेगु र क्वाड तथा महिला टिमले रेगु र डबल इभेन्ट्समा प्रतिस्पर्धा गर्नेछ । जसमा ४ स्वर्ण, ४ रजत र ८ कास्य पदकको लागि प्रतिस्पर्धा हुनेछ ।
प्रतियोगितामा नेपालसँगै भारत, बंगलादेश, पाकिस्तान र श्रीलंका सहभागी हुनेछन् । भुटान र माल्दिभ्स पर्यवेक्षकको रुपमा रहने आयोजक संघले जनाएको छ ।
राष्ट्रिय खेलकुद परिसद र दक्षिण एसियाली सेपाकताक्रो महासंघको स्वीकृतिमा हुन् लागेको प्रतियोगितामा ३० महिला, ३० पुरुष र ३० अफिसियल गरी कुल ९० जनाको सहभागिता रहने छ ।
यो च्याम्पियनसिप नेपालले सन् २०१२ मा आयोजना गरेको थियो । जसमा भारत पहिलो, नेपाल दोस्रो र पाकिस्तान र श्रीलंका तेस्रो भएको थियो । यस्तै कोलम्बोमा भएको दोस्रो संस्करणमा नेपालका महिला र पुरुष टिमले रजत जितेको थियो ।
1675088319.jpg)
