निजगढ । बाराको निजगढ सिंगौलमा आयोजना भएको 'निजगढ सिटीकप' मार्शल आर्ट्स फेस्टिबलमा बागमती प्रदेश टिम च्याम्पियन बनेका छन् ।
मार्शल आर्ट्स फेस्टिबल अन्तर्गत असार २९ देखी ३१ सम्म आयोजना भएको प्रतियोगितामा बागमती प्रदेशको टिम विजेता बनेको हो ।
प्रतियोगिता अन्तर्गत पुरुष खुल्ला आइटिएफ तेक्वान्दोमा बागमती प्रदेशका निराजन दिम्बम र महिला खुल्ला फुलकन्ट्याक्ट करातेमा तारा घलानले स्वर्ण जित्दै जनही नगद ५० हजार हात पारेका छन् ।
त्यस्तै आइटिएफ तेक्वान्दो तर्फ प्रदेश नं.१ का मिशन तामाङले रजत पदक हात पार्दै २५ हजार नगद जितेका छन् भने प्रदेश १ कै आशिष क्षेष्ठले कास्य पदक जिती नगद १० हजार जगद हात पारे ।
![No description available.](https://scontent.fbwa1-1.fna.fbcdn.net/v/t1.15752-9/p1080x2048/214676668_793835667962659_750083150547348131_n.jpg?_nc_cat=102&ccb=1-3&_nc_sid=ae9488&_nc_ohc=us1V6CnzqPoAX-6aole&_nc_ht=scontent.fbwa1-1.fna&oh=bd89f9583bbeafb8c0e2e5e34638e4f5&oe=60F6C499)
फुलकन्ट्याक्ट कराते तर्फ २ नम्बर प्रदेशकी निसिदा आलेले रजत पदक जिति नगद २५ हजार पाउन सफल भइन भने २ नम्बर प्रदेशकै स्नेहा महतो र बागमती प्रदेशकी सोनु तामाङले कास्य जिती नगद १० हजार पाउन सफल भए ।
प्रतियोगितामा ७ प्रदेश र आयोजकबाट खेलाडी, कोच, टिम मेनेजर, रेफ्रि र जुरीगरी १ सय ३२ जना सहभागिता रहेको नेपाल तेक्वान्दो महासंघका अध्यक्ष एवं आयोजक कमिटीका सभापति दीनेश शर्माले जानकारी दिए ।
![No description available.](https://scontent.fbwa1-1.fna.fbcdn.net/v/t1.15752-9/p1080x2048/217844313_177141201131250_9096192366004085338_n.jpg?_nc_cat=109&ccb=1-3&_nc_sid=ae9488&_nc_ohc=VPXjwAv1c3EAX_Rp7nI&_nc_ht=scontent.fbwa1-1.fna&oh=f721a2893ae8106116468b42d842d967&oe=60F66147)
त्यस्तै विशेष मनोरन्जन विधामा समावेश गरिएको ८०० मिटर बुहारी दौडमा निजगढ २, सिंगौलकी अन्जु घिसिङ प्रथम भई नगद १५ हजार हात पार्न सफल भइन् भने वडा नं. २ कै मिन कुमारी साहीले दोस्रो स्थान हासिल गरी नगद १० हजार जित्न सफल भईन् । तेस्रो स्थान निजगढ ३, सिंगौलकै पूर्णिमा थिङले जित्न सफल भई नगद ५ हजार हात पारिन् । दौडमा ३० जनाको सहभागिता थियो ।
नेपाल तेक्वान्दो महासंघको आयोजना, नेपाल राष्ट्रिय मार्शल आर्टस् गेम्स महासंघको तत्वधान र निजगढ नगरपालीकाको सहयोगमा आयोजित उक्त प्रतियोगिता २ नम्बर प्रदेशकै उच्चस्तरको रहेको बताईएको छ।
![No description available.](https://scontent.fbwa1-1.fna.fbcdn.net/v/t1.15752-9/p1080x2048/214851382_860290168202614_1769413395982326330_n.jpg?_nc_cat=111&ccb=1-3&_nc_sid=ae9488&_nc_ohc=-1xz21iK_SsAX852pr4&_nc_ht=scontent.fbwa1-1.fna&oh=49cfc8f31fc0175e8754d58f967d2bf3&oe=60F63E9F)