काठमाडौं । भलिबल नेपालको राष्ट्रिय खेल हो । प्रचुर सम्भावना र लोकप्रियता यस खेलको देखिन्छ । तर यस खेलमा आबद्ध खेलाडीले अन्तराष्ट्रिय ‘एक्सपोजर’ कमै पाउने गर्छन् । जेठकोे पहिलो साता राष्ट्रिय महिला भलिबल टिमकी दुई खेलाडीले माल्दिभ्समा गएर खेले । पुलिसकी उषा भण्डारी र कामना विष्टले माल्दिभ्सको भलिबल लिग खेल्न भ्याए ।
सुस्त गतिमा नेपालको भलिबल अघि बढेको भएपनि महिला भलिबलमा नेपालको प्रभाव दक्षिण एसिया र सेन्ट्रल जोनमा जबर्जस्त छ । त्यसैले दुई पटक नेपालले एभीसी सेन्ट्रल जोनको उपाधि जितेको छ । महिला खेलाडीको त्यही प्रभावका कारण कामना र उषाले माल्दिभ्सको लिग खेल्ने अवसर पाएका हुन् ।
माल्दिभ्सको लिग खेलेर स्वदेश फर्किएका उषा भण्डारीसँग विदेशी लिगको अनुभव, अवसर र फाइदका विषयमा खेलपाटीले कुराकानी गरेको छ ।
माल्दिभ्समा खेल्ने प्रस्ताव कसरी आयो ?
गत वर्ष बंगलादेशमा भएको बंगबंन्धु कपमा माल्दिभ्सविरुद्धको मेरो खेललाई उहाँहरुले नोटिस गरि रहनु भएको रहेछ । त्यसपछि नै म उहाँहरुको सम्पर्कमा रहेको थिए । राष्ट्रिय टिमको खेल तालिकासँग नजुधाई खेल राख्नुस् म आउछु भनेको थिए । त्यसै अनुरुप प्रतियोगितामा सहभागी भए ।
माल्दिभ्समा खेल्दा कस्तो अनुभव प्राप्त भयो ?
आफु नियमित खेलिरहेको कोर्ट भन्दा बाहिर गएर फरक वातावरणमा खेल्नुनै आफैमा एक ठुलो अनुभव हो । यससँगै मैले माल्दिभ्सको जस्तो स्तरीय कोर्टमा गएर खेल्न पाउनुनै ठुलो उपलब्धी हो । अन्तराष्ट्रिय खेलाडीसँग खेल्न पाउदा धेरै अनुभव लिए ।
तपाई जस्ता खेलाडी बाहिर गएर खेल्दा राष्ट्रिय टोलीलाई के सहयोग पुग्ला ?
अहिलेको नेपाली महिला भलिबल टिम धेरैनै युवा छ । यस्ता अवसरले हामीमा बढी भन्दा बढी अनुभव हासिल हुन्छ । मलाई पनि फरक कोर्ट र वातावरणको अनुभव भयो । यो कुरा टिमका सबैमा सेयर गर्छु । यसले सबैको आत्मविश्वास बढाउँछ ।
बाहिरबाट कत्तिको प्रस्ताव आउँछन् ?
बाहिरबाट प्रस्ताव त धेरैनै आईरहेको छ । तर राष्ट्रिय टिमको अभ्यास तथा खेलसँग समय जुध्दा भने जान पाईरहेको छैन ।
-1746755007.webp)
