काठमाडौं । एएफसी फुटसल च्याम्पियनसिप छनोट खेल्न अखिल नेपाल फुटबल संघ एन्फाको फुटसल कमिटिले खुल्ला प्रतिस्पर्धाबाट खेलाडी छनोट गर्यो ।
लगत्तै राष्ट्रिय फुटसल टिमको मुख्य प्रशिक्षकमा विष्णु गुरुङलाई नियुक्त गर्यो । सुरुवातमा विवाद देखिएपछि फुटसल कमिटिले खेलाडी छनोट सकेर मात्र प्रशिक्षक नियुक्त गरेको थियो ।
फुटसल कमिटिका संयोजक तथा केन्द्रिय सदस्य दावा लामाले सुरुवातमै विष्णु गुरुङलाई प्रशिक्षक नियुक्त गर्ने बताएका थिए । तर, अन्य प्रशिक्षकले त्यसमा विरोध जनाए । सुरुमै विवाद सिर्जना हुने देखेपछि खेलाडी छनोट सकेर प्रशिक्षक नियुक्त गर्ने भनियो ।
काठमाडौंको चावहिलस्थित भाटभटेनी फुटसलमा ५ दिनसम्म खेलाडी छनोट चलेको थियो । ११ सदस्यीय प्रशिक्षकको कमिटिले खेलाडीको छनोट गरेको थियो ।
लगत्तै फुटसल कमिटीले ३७ खेलाडी नाम सार्वजनिक गर्दै मुख्य प्रशिक्षकमा विष्णु र सहायक प्रशिक्षकमा गौरव बस्नेतको नाममा निर्णय गर्यो । विष्णुले यसअघि राकेश श्रेष्ठको सहायकको रुपमा फुटसल टिम हेरेका थिए ।
प्रशिक्षक नियुक्तीलाई लिएर भदौ ३ गते अन्य प्रशिक्षकहरुले विरोध स्वरुप प्रेस विज्ञप्ती निकाले । उनीहरुले ३२ खेलाडीको मात्र नाम उपलब्ध गराउँदा बाहिरबाट ५ खेलाडी थपेर नाम सार्वजनिक गरिएको बताए ।
साथै सहमतीमा प्रशिक्षक नियुक्त गर्ने प्रतिबद्वता फुटसल कमिटिले पुरा नगरेको र संकटालाई लिगको उपविजेता बनाउन भूमिका खेलेका विष्णुलाई उपहार स्वरुप प्रशिक्षक बनाईएको आरोप लगाए ।
धेरै सिनियर खेलाडी तथा प्रशिक्षकले फुटसल प्रशिक्षकमा नियुक्त भएको विष्णुको क्षमतालाई लिएर प्रश्न उठाए ।
फुटसलका अधिकांश प्रशिक्षकले लगाएको आरोप कतिको सही छ । मुख्य प्रशिक्षकमा नियुक्त भएका विष्णु यस बिषयमा के भन्छन् ? नेपालले एएफसी फुटसल च्याम्पियनसिप छनोटको तयारी कसरी अघि बढाईरहेको छ ।
यिनै बिषयमा खेलपाटीकर्मी रमेश सुबेदीले राष्ट्रिय फुटसल टिमका मुख्य प्रशिक्षक विष्णुसँग कुराकानी गरेका छन् ।
टिमको तयारी कसरी अगाडी बढिरहेको छ ?
तयारी सुरु भईसकेको छ । आईतबारबाट तयारी सुरु गरेका छौ । फुटसल कोट उपलब्ध नहुदाँ टर्फमै तयारी गरेका छौ ।
टिममा सुरुमै ३७ खेलाडी बोलाईएको छ । छनोट प्रक्रिया कसरी अघि बढ्छ ?
अहिले हामीसँग ३७ खेलाडी छन् । अब २५ खेलाडीमा झार्नेछौ । अन्तिम छनोटमा १४ खेलाडी रहन्छन् ।
पहिलो चरणको छनोट कहिले हुन्छ ?
अर्काे हप्ता गर्ने तयारी छ ।
'ए' डिभिजन लिग खेलिसकेका खेलाडी पनि समावेश छन् ?
हो, अहिले हामीसँग ३–४ जना ए डिभिजन लिग खेलेका खेलाडी छन् ।
हामीसँग खेल्ने टिम निकैनै बलिया छन् । कसरी लिनु भएको छ ?
सबै बलिया टिम छन् । सबै बरीयता प्राप्त टिम हुन् । हाम्रो कुनै वरियता छैन । हामी ‘अन्डर डग’ टिम हौं । अन्तिम समय हामीले जुन नतिजा ल्याएका थियौ । त्यसैले गर्दा यसपटक समेत राम्रो हुन्छ भन्ने लागेको छ ।
तपाईलाई जिम्मेवारी दिने बित्तिकै धेरै प्रशिक्षकले विरोध गरे । कसरी लिनु भएको छ ?
त्यस्तो विवाद केही छैन । सिनियरहरुले आफ्नो पालो भनेर कुरा राख्नु भएको हो । तर ‘अपडेट’ भएको मान्छेलाई मौका दिनुपर्छ भन्ने मेरो मान्यता हो ।
देशबाट कति खेले ? के गरे भन्दा पनि अपडेट भएको मान्छेलाई प्रमाणित गर्ने मौका दिनुपर्छ ।
सुरुमा सिनियरलाई प्रशिक्षक बनाउने भनेर निर्णय भएको थियो । सिनियरलाई पालो दिनुपर्छ भन्ने तपाईलाई किन ठिक लागेन ?
दिनुपर्छ । हामी सबै एकै किसिमका मान्छे हौं । ‘अपडेट’ भएको ब्यक्तीलाई दिएको राम्रो भन्ने हो ।
तपाईमाथि आरोप छ, पुरस्कार वापत एन्फाले प्रशिक्षक बनायो भनेर । केही भन्नु छ ?
हैन । उहाँहरुले बनावटी कुरा गरेको हो । आरोप प्रमाणित भए, प्रशिक्षकको भुमिकाबाट राजिनामा दिन तयार छु ।
तपाई प्रशिक्षक भएपछि अन्य प्रशिक्षक किन विज्ञप्तीनै निकाल्ने अवस्थामा पुगे ?
मसँग कुनै प्रकारको कुरा भएको छैन । उहाँहरु आफैले विज्ञप्ति निकाल्नु भएको हो ।
प्रशिक्षक बन्ने बित्तिकै विवादमा मुछिनु भयो । अबको चुनौती के हो भन्ने लाग्छ ?
चुनौती छ । सकेको राम्रो दिने हो । कति दिनुपर्छ, त्यो म दिन्छु । अहोरात्र खटिने छुु । मेहनत गर्नेछु । उपलब्धी मुलक भएरै फर्कनेछु ।
तपाईलाई अर्काे आरोप पनि छ, खेलाडी छनोट कमिटिले ३२ खेलाडीको नाम दियो । तर बाहिरबाट खेलाडी थपेर ३७ जनाको नाम आयो । आफ्नो मान्छे हाल्नुभएको हो ?
आफ्नो मान्छे हैन । उहाँहरु सबै यू–२३ का हुनुहुन्छ । क्षमता भएका खेलाडी हुन् । त्यसैले हामीले सिधै टिममा राखेका हौं । अन्तिम समयमा नेपालबाट खेलेका खेलाडीनै ल्याएका हौं ।
तपाई त खेलाडी समेत हुनुहुन्छ । सिधै राष्ट्रिय टिमको प्रशिक्षक बन्नुभयो । अब प्रशिक्षणमै रमाउने कि खेलाडीको रुपमा फर्कने ?
म प्रशिक्षकको भुुमिकामा रहन्छु । अन्य कोर्ष गर्नु पर्नेछ । त्यसका लागि तयारी गरिरहेको छु । सम्भवतः अब फुटसल प्रशिक्षकनै रहन्छु ।
-1746755007.webp)
