काठमाडौं । नेपालको राष्ट्रिय पुरुष फुटबल टिमले चाईनिज ताईपेईसंग अन्तराष्ट्रिय मैत्रिपुर्ण म्याच खेल्ने भएको छ । अखिल नेपाल फुटबल संघ एन्फाले नेपालले आगामी जुन ६ मा चाईनिज ताईपेईसंग मैत्रिपुर्ण खेल खेल्ने जनाएको हो ।
सन् २०२२ मा हुने विश्वकप फुटबल छनोटको तयारी स्वरुप मैत्रिपुर्ण खेलको आयोजना गरिएको हो ।
राष्ट्रिय फुटबल टिमका मुख्य प्रशिक्षक योहान कालिनले राष्ट्रिय टिमको अभ्यास चाँडै सुरु गर्ने जानकारी दिएका छन् ।
'माथिल्लो वरियताको टिमसंग प्रतिस्पर्धा गर्न पाएका छौ । हामी अन्तिम समयसम्म मेहनत गर्नेछौ र राम्रो तयारी गर्नेछौ ।' उनले भने ।
नेपालले प्रतिस्पर्धा गर्न लागेको चाईनिज ताईपेई फिफा वरियताको १ सय २५ औ स्थानमा छ । नेपाल फिफा वरियताको १ सय ६१ औ स्थानमा छ ।
नेपालले फिफा वरियतामा आफु भन्दा ३६ स्थान माथि रहेको चाईनिज ताईपेईसंग मैत्रिपुर्ण फुटबल खेल्ने पक्का भएको हो ।
