काठमाडौँ। म्यानचेस्टर युनाइटेडले इङ्लिस प्रिमियर लिगमा न्यूक्यासल युनाइटेडमाथि रोमाञ्चक जित हासिल गरेको छ।
ओल्ड ट्राफोर्डमा बुधबार राति सम्पन्न खेलमा घरेलु टोली युनाइटेड ३-२ गोल अन्तरले विजयी भएको हो।
जितसँगै आठौँ स्थानमा रहेको युनाइटेडले ३७ खेलबाट ५७ अंक जोडेको छ। समान खेल खेलेको न्यूक्यासल समान अंकसहित सातौँ स्थानमा छ।
खेलको ३१औँ मिनेटमा कोबी माइनूको गोलमार्फत् युनाइटेडले शुरूआती अग्रता लिएको थियो। तर, ४९औँ मिनेटमा एन्थोनी गोर्डनले गोल गर्दे खेल बराबरीमा ल्याए।
त्यसको आठ मिनेटपछि नै अमद डायलोले गोल गर्दा युनाइटेड खेलमा २-१ ले अगाडि रह्यो। ८४औँ मिनेटमा रसमुस होजलुन्डले गोल गरे।
दोस्रो हाफको इन्ज्युरी समयको दोस्रो मिनेटमा लुइस हलले गोल गरेपनि न्यूक्यासलको हार टार्न सकेनन्।
