काठमाडौं । नेपाल फुटबल संघ एन्फाले मोफसलमा सञ्चालन हुने गोल्डकप फुटबलको वर्गिकरण मापदण्ड तयार गरेको छ । मोफसलमा हुने गोल्डकपलाई नियमित र व्यवस्थित बनाउन भन्दै एन्फाले दुई श्रेणीमा प्रतियोगिताको वर्गिकरण मापदण्ड तयार गरेको हो ।
कृण्ण थापा नेतृत्वको एन्फाको स्तर निर्धारण समितिले प्रतियोगिताको वर्गिकरण मापदण्ड तोकेको हो । एन्फाका कार्यवहाक अध्यक्ष अरुणमान जोशीका अनुसार एन्फाले अब मोफसलमा सञ्चालन हुने प्रतियोागितालाई मापदण्डका आधारमा वर्गिकरण गर्नेछ ।
प्रतियोगिता सञ्चालनकालागि स्विकृती लिएका आयोजकले अब पुरा गरेको मापदण्डका आधारमा प्रतियोगिताको वर्गिकरण प्राप्त गर्नेछन् । एन्फाले ‘क’ श्रेणीको प्रतियोगिताको मान्यता पाउन तयार गरिएको मापदण्ड निम्न प्रकारको रहेको छ ।
- रंगशाला वा स्तरीय मैदानलाई तार जाली गरेको हुनुपर्ने र स्थायी वा अस्थायी प्याराफिटको व्यवस्था गरेको हुनपर्ने ।
- कम्तिमा १० टोली सहभागी हुनुपर्ने र त्यसमा कम्तिमा ६ ए डिभिजन क्लबले खेल्नुपर्ने ।
- आवश्यक प्राविधिक जनशक्ति प्रतियोगिताका लागि तयार गर्नुपर्ने (रेफ्री, सहयाक रेफ्री, म्याच कमिसनर आदी) ।
- टिकट बिक्रीबाट उठेको ३ प्रतिशत रकम एन्फामा बुझाउनु पर्ने ।
- सरक्षा व्यवस्था, प्लेयर बक्स र औषधी उपचारको राम्रो व्यवस्था हुनपर्ने ।
- दर्शकलाई व्यवस्थित शौचालयको व्यवस्था गरिएको हुनुपर्ने ।
- खेल मैदानमा एम्बुलेन्सको व्यवस्था हुनुपर्ने ।
- सहभागि क्लबका २७ जनाको व्यवस्थापन आयोजकले गर्नुपर्ने ।
त्यस्तै एन्फाले बी श्रेणीको प्रतियोगिताको मान्यता पाउन समेत मापदण्ड तयार गरेको छ । जसको मापदण्ड निम्न प्रकारको रहेको छ ।
- रंगशाला वा स्तरीय मैदानलाई तार जाली गरेको हुनुपर्ने र स्थायी वा अस्थायी प्याराफिटको व्यवस्था गरिएको हुनपर्ने ।
- कम्तिमा ८ टोली सहभागी हुनुपर्ने र त्यसमा कम्तिमा ४ ए डिभिजन क्लब खेल्नुपर्ने ।
- सहभागि क्लबका २३ जनाको व्यवस्थापन आयोजकले गर्नुपर्ने ।
- आवश्यक प्राविधिक जनशक्ति प्रतियोगिताका लागि तयार गर्नुपर्ने (रेफ्री, सहयाक रेफ्री, म्याच कमिसनर आदी) ।
- सरक्षा व्यवस्था, प्लेयर बक्स र औषधी उपचारको राम्रो व्यवस्था हुनपर्ने ।
- दर्शकलाई व्यवस्थित शौचालयको व्यवस्था गरिएको हुनुपर्ने ।
- खेल मैदानमा एम्बुलेन्सको व्यवस्था हुनुपर्ने ।
एन्फाको आगामी कार्यसमिति बैठकले मोफसलमा सञ्चालन हुने प्रतियोगिताको वर्गिकरण गर्ने एन्फा प्रवक्ता किरण राईले खेलपाटीलाई बताए ।
