काठमाडौं । फ्रेन्च लिग वान फुटबलमा शीर्ष स्थानको पेरिस सेन्ट जर्मेन (पीएसजी) ले जित निकालेको छ ।
बुधबार राति भएको खेलमा पीएसजीले मोन्टपेलियरलाई ३-१ गोल अन्तरले हराएको हो ।
मोन्टपेलियरविरुद्ध सहज जित निकालेको खेलमा केलियन एमबाप्पे दुई पटक पेनाल्टीमा गोल गर्न चुके ।
खेलको दशौँ मिनेटमा एमबाप्पेको पहिलो प्रहार मोन्टपेलियरका गोलकिपरले बचाए । तर, रेफ्रीले एमबाप्पेलाई पुन: पेनाल्टी हान्ने अवसर दियो ।
दोस्रो पटक एमबाप्पेको प्रहार पोस्टमा लागेर फर्कियो । रिबाउन्डमा आएको बललाई एमबाप्पेले फेरि बाहिर प्रहार गरे।
यस्तै चोट बोक्दै एमबाप्पे खेलको २१ औं मिनेटमा मैदानबाट बाहिरिएका थिए ।
दोस्रो हाफमा भने पीएसजीले तीन गोल गर्यो ।
खेलको ५५ औं मिनेटमा फाबियन रुइजले गोल गर्दै पीएसजीलाई अग्रता दिलाए ।
७२ औं मिनेटमा लियोनल मेस्सीले गोल गरेपछि पीएसजी २-० ले अघि रह्यो ।
खेलको ८९ औं मिनेटमा नोर्डीनले गोल गर्दै मोन्टपेलियरलाई २-१ को स्थितिमा ल्याए ।
त्यसपछि खेलको इन्जुरी समयमा वारेन इम्रीले गोल गर्दै पीएसजीलाई ३-१ को जित दिलाए ।
यस जितसँगै पीएसजीले २१ खेलमा ५१ अंक जोडेको छ ।
पीएसजी शीर्ष स्थानमा रहेको छ ।
मोन्टपेलियर २० अंक जोडेर १४ औं स्थानमा रहेको छ ।
1680159079.JPG)
