काठमाडौं । ब्राजिलियन स्टार नेयमारले पेरिस सेन्ट जर्मेन (पीएसजी) बाट च्याम्पियन्स लिगको उपाधि जित्न चाहेको बताएका छन् ।
एक अन्तर्वार्तामा नेयमारले पीएसजीमै रहने र क्लबका लागि च्याम्पियन्स लिग जित्ने चाहना व्यक्त गरेका हुन् ।
'मेरो महत्वाकांक्षा सधैं उस्तै छ, सम्भव भएसम्म हरेक उपाधि जित्ने,' नेयमारले भने, 'राम्रो खेल्ने, विश्व कप र च्याम्पियन्स लिग जित्ने अर्को सिजनको मेरो लक्ष्य हो।'
नेयमार सन् २०१७ मा बार्सिलोनाबाट १ सय ९८ मिलियन पाउण्डमा पीएसजी आएका थिए । तर, पीएसजीका लागि उनले च्याम्पियन्स लिग जित्न सकेका छैनन् ।
पीएसजीमा नेयमारको सम्झौता २०२५ सम्म रहेको छ ।
'मेरो पीएसजीसँग सम्झौता छ । त्यसैले कुनै विकल्प छैन । म पीएसजीसँग हुनेछ,' नेयमारले थपे ।
