एजेन्सी । ईग्ल्याण्डका कप्तान इयान मोर्गानले न्युजिल्याण्डविरुद्वको खेलमा जितले भन्दा खेल्ने शैलीले सन्तुष्टि दिएको बताएका छन् ।
न्युजिल्याण्डलाई हराउँदै विश्वकप क्रिकेटको सेमिफाईनलमा स्थान बनाएको ईङ्ल्याण्ड टिमका कप्तान मोर्गानले जितले भन्दा खेल्ने तरिकाले धेरै सन्तुष्टि प्रदान गरेको बताए ।
भारतविरुद्व प्राप्त जितको सन्तुष्टि न्युजिल्याण्डलाई हराएपछि देखिएको उनको भनाई छ ।
सेमिफाईनल प्रवेशको महत्वपुर्ण खेल जितेपछि उनले भने, ‘यदि यो खेल जित्न सकियो भने अर्को खेलमा पुर्ण भरोसाका साथ खेल्न सकिन्छ भन्ने लागेको थियो । र त्यस्तै भएको छ ।’
न्युजिल्याण्डविरुद्व जित हासिल गर्न नसकेको अवस्थामा ईग्ल्याण्डको विश्वकप यात्रा समुह चरणमै सकिने सक्ने समिकरण तय भएको थियो ।
उनले सुरुको २५ ओभर फरक तरिकाले खेलेको समेत बताएका छन् ।
‘पहिलो २५ ओभरको खेलले जित दिलायो । सुरुको ओभर भिन्न तरिकाले खेल्यौ र खेल जित्न सफल रह्यौ ।’ उनले भने ।
उनले खेलमा जित हात पार्ने अर्को कारण समेत खुलाए ।
उनले भने, ‘यो एउटा खेल मात्र नभएर हाम्रो लागि ठुलो चुनौती पनि थियो । त्यसैले हामी एक मन्त्रमा टिकीरह्यौ र कहिले हतास भएनौ ।’
कप्तान मोर्गानले अर्को खेलमा आफ्नो टोली झन् उत्साहका साथ खेल्ने जनाएका छन् ।
