एजेन्सी । क्यानाडाको ग्लोबल टी-ट्वान्टी क्रिकेट लिगको खेल तालिका सार्वजनिक भएको छ ।
दोस्रो संस्करणको लिगको खेल तालिका आइतबार सार्वजनिक भएको हो । लिग आगामी जुलाई २५ देखि ११ अगष्टसम्म आयोजना हुनेछ ।
प्रतियोगिताको उद्घाटन खेलमा नेपाली राष्ट्रिय टोलीका सदस्य सन्दीप लामिछाने रहेको टोरन्टो नेसनल्सले साबिक बिजेता भ्यानकुभर नाईट्सले प्रतिस्पर्धा गर्ने छन् ।
नेपालका ग्लोबल आइकन सन्दीपले यस सिजन टोरन्टोबाट खेल्ने छन् । सन्दीपलाई ६० हजार अमेरिकी डलरमा टोरन्टोले अनुबन्ध गरेको हो । गत सिजन उनले मोन्ट्रेल टाइगर्सबाट खेलेका थिए ।
यस्तै अर्का नेपाली खेलाडी सोमपाल कामीले विनिपेग हक्सबाट खेल्नेछन् । सोमपाललाई ३ हजार अमेरिकी डलरमा हक्सले अनुबन्ध गरेको हो ।
सोमपाल अनुबन्धित रहेको टिमले जुलाई २७ गते मोन्ट्रेल टाइगर्सविरुद्ध खेल्दै प्रतियोगिताको सुरुवात गर्नेछ ।
तर, आईसीसी टी-ट्वान्टी विश्वकप एसिया फाइनलका लागि सन्दीप र सोमपाल सिंगापुरमा हुने भएका कारण सुरुवाती २ खेल गुमाउने भएका छन् ।
खेल तालिका :
