एजेन्सी । भारतीय क्रिकेट कप्तान विराट कोहलीले क्रिकेट लेजेण्ड सचिन तेन्दुलकर र ब्रायन लाराको कीर्तिमान तोडेका छन् ।
अन्तराष्ट्रिय क्रिकेटमा सर्वाधिक छिटो २० हजार रन पुरा गर्दै कोहलीले तेन्दुलकर र लाराको कीर्तिमान तोडेका हुन् ।
इंग्ल्याण्डमा जारी आईसीसी विश्वकप अन्तर्गत अहिले जारी वेष्ट इण्डिजविरुद्धको खेलमा ३७ रन बनाउदै कोहलीले २० हजार रन पुरा गरे । र, कोहलीले तेन्दुलकर र लाराको कीर्तिमान भंग गरे ।
कोहलीले ४ सय १७ इनिङ्समा २० हजार रन पुरा गरे । यसअघि तेन्दुलकर र लाराले अन्तराष्ट्रिय क्रिकेटमा २० हजार रन पुरा गर्न ४ सय ५३ इनिङ्स खेलेका थिए ।
कोहलीले उक्त रन बनाउन टेष्टमा १३१, एकदिवसीयमा २२३ र टी-ट्वान्टीमा ६२ इनिङ्स खेले ।
योसंगै कोहली २० हजार रन पुरा गर्ने १२ औं खेलाडी समेत बनेका छन् । त्यस्तै २० हजार पुरा गर्ने उनि तेस्रो भारतीय खेलाडी हुन् । २० हजार रन पुरा गर्ने अर्को खेलाडीमा राहुल द्रविड रहेका छन् ।
-1736575369.jpg)
