राजविराज । सप्तरीमा जारि मेयर कप सप्तरी प्रिमियर लिग अन्तर्गत बिहिबारको दुई खेल स्थगित भएको छ ।
वर्षाले भिजेको मैदानका कारण बिहिबार तय भएको दुई खेल स्थगित भएको हो ।
बिहिबार बजाज खडक वारियर्स र रुपनी राइडर्स तथा बोदे बर्साइन थण्डर्स र तिलाठी कोइलाडीबीच प्रतिस्पर्धा हुने खेल तालिका थियो । तर, वर्षाले गर्दा दुवै खेल टस समेत नभई स्थगित भएको छ ।
दुई खेल स्थगित भएपछि ४ वटै टोलीले एक एक अंक बाडेका छन् ।
बिहिबारको खेल स्थगित भएसंगै अंक तालिकामा रुपनी राइडर्स ३ खेलमा २ जित र १ बराबरी सहित ५ अंक जोडेर शीर्ष स्थानमा रहेको छ । बोदे बर्साइन ३ खेलमा १ जित १ हार र १ बराबरीसहित ३ अंक जोडेर दोस्रो स्थानमा रहेको छ।
यस्तै बजाज खडक वारियर्सको भने ३ खेलमा २ हार र १ खेल बराबरी हुँदा उत्कृष्ट २ हुँदै फाइनल पुग्ने सम्भावना सकिएको छ।
प्रतियोगिता अन्तर्गत भोलि शुक्रबार रुपनी राइडर्स र बोदे बर्साइन थन्डर्स बीच पहिलो तथा डाक्नेश्वरी ड्रागन र बजाज खडक वारियर्स बीच दोश्रो खेल हुनेछ।
सप्तरी क्रिकेट संघको आयोजना र राजविराज नगरपालिकाको मुख्य प्रयोजनमा जारी प्रतियोगिताको विजेताले २ लाख तथा उप-विजेताले १ लाख रुपैयाँ प्राप्त गर्नेछ।
