टी-ट्वान्टी विश्वकप छनोटका लागि बन्द प्रशिक्षण सुरु

गृहपृष्ठ
क्रिकेट

बिहीबार, असार ५, २०७६ खेलपाटी संवाददाता

फाइल फोटो

काठमाडौं । सिंगापुरमा आयोजना हुने आईसीसी टी-ट्वान्टी विश्वकप एसिया फाइनलका लागि नेपाली राष्ट्रिय पुरुष क्रिकेट टिमको बन्द प्रशिक्षण सुरु भएको छ ।

आगामी जुलाईमा हुने एसिया फाइनलका लागि नेपालले बिहिबारबाट तयारी सुरु गरेको हो । नेपालले बन्द प्रशिक्षणका लागि २५ खेलाडीलाई बोलाएको छ ।

टियु क्रिकेटमा मैदानमा मुख्य प्रशिक्षक उमेश पटवालको नेतृत्वमा नेपालले प्रशिक्षण सुरु गरेको हो । पहिलो दिन नेपालले बिहान प्रशिक्षण गरेको नेपाली टिमका म्यानेजर रमण सिवाकोटीले जानकारी दिए ।

'यू-१९ टोलीको क्याम्प समेत रहेकाले समय मिलाउन सिनियर टोलीलाई बिहानको समय बोलाइएको हो ।' सिवाकोटीले भने ।

यस्तै टिम म्यानेजर शिवाकोटीले नेपालले प्रतियोगिताअघि मलेसियामा २ खेलको सिरिज खेल्न आईसीसीसंग प्रस्ताव गरेको जानकारी गराए ।

'आईसीसीलाई २ खेलको सिरिजको प्रस्ताव राखेका छौं । उताबाट केहि जानकारी आएको छैन । एक दुई दिनमा तय हुनेछ ।' उनले थपे ।

सन् २०२० मा अष्ट्रेलियामा आयोजना हुने विश्वकपको छनोटको रुपमा रहेको फाइनल जुलाई २२ देखि २८ सम्म आयोजना हुनेछ ।

एसिया छनोटमा नेपालसहित आयोजक सिंगापुर, मलेसिया, कतार र कुवेत रहेका छन् । नेपाल पहिलो खेल कतारसंग खेल्नेछ ।

नेपाल र कतारबीचको खेल २३ जुलाईमा हुनेछ । यस्तै नेपालले दोस्रो खेलमा मलेसियासंग २४ जुलाई, २७ जुलाईमा कुवेत र २८ जुलाईमा सिंगापुरसंग खेल्नेछन् । छनोट शीर्ष टोलीले विश्वकपको ग्लोबल छनोटमा स्थान बनाउने छन् ।

ग्लोबल छनोट अक्टोबर ११ देखी नोभेम्बर ३ सम्म युएईमा आयोजना हुनेछ। एसिया छनोटमा युएई भने आयोजकको रुपमा स्वतः ग्लोबल छनोटमा पुगेको छ ।

बन्द प्रशिक्षणमा परेका नेपाली टोली :

पारस खड्का (कप्तान)

ज्ञानेन्द्र मल्ल

अविनाश बोहरा

बसन्त रेग्मी

अमित श्रेष्ठ

भिम सार्की

बिनोद भण्डारी

दिपेन्द्र सिंह ऐरी

जितेन्द्र कुमार मुखिया

करण केसी