काठमाडौं । नेपाली राष्ट्रिय क्रिकेट टोलीका उपकप्तान ज्ञानेन्द्र मल्ल विराटनगरको कोसी मल्टिपल कलेजको ब्राण्ड एम्बासडर बनेका छन् ।
नेपाली टोलीको ओपनिङ ब्याट्सम्यान समेत रहेका मल्ललाई बुधबार कलेजले ब्राण्ड एम्बासडर नियुक्त गरेको हो ।
मल्ललाई कलेजले पाँच बर्षको लागि ब्राण्ड एम्बासडर नियुक्त गरेको हो ।
बुधबार आयोजित एक कार्यकममा मल्ल र कलेजका निर्देशक मनिष स्वर्णकारबीच सम्झौता पत्रमा हस्ताक्षर भएको छ ।
नेपाली राष्ट्रिय क्रिकेट टोलीले अन्तराष्ट्रिय स्तरमा प्राप्त गरेको सफलतामा मल्लले गरेको योगदानको कदर गर्दै ब्राण्ड एम्बासडर नियुक्त गरेको कलेजले जनाएको छ ।
यस्तै कलेजले मल्लसंगको सहकार्यमा विराटनगरमा क्रिकेट प्रशिक्षण पनि संचालन गर्ने जनाएको छ ।
