काठमाडौं । ललित स्मृति यू – १८ फुटबलमा आज दुई खेल हुँदै छ । प्रतियोगिता अन्तर्गत आज समूह डि को दुई खेल हुने अखिल नेपाल फुटबल संघ एन्फाले जनाएको छ ।
एन्फा कम्प्लेम्स सातदोबाटोमा हुने पहिलो खेलमा दुई महारथी क्लब मनाङ मर्स्याङ्दी र थ्रीस्टारबीच खेल हुनेछ । प्रतियोगिता अन्तर्गत नै आज हुने दोस्रो खेलमा ललितपुरे क्लब फ्रेन्ड्सले सुदूरपश्चिम फुटबल क्लबको सामना गर्दैछ ।
मंगलबारबाट सुरु प्रतियोगिताको पहिलो दिन त्रिभुवन आर्मी क्लब र एनआरटि क्लबले विजय सुरुवात गरेको थियो ।
