एजेन्सी । जेसन रोयको बिस्फोटक ब्याटिङमा ईङ्ल्याण्डले बंगलादेश सामु ३ सय ८७ रनकाे बिशाल लक्ष्य प्रस्तुत गरेको छ । बंगलादेशले टस जितेर फिल्डिङ रोजेपछि ब्याटिङमा उत्रिएको ईङ्ल्याण्डले निर्धारित ओभरमा ६ विकेट गुमाएर ३ सय ८६ रन बनाएको हो ।
ओपनर जेसन रोयले १ सय ५३ रनको सतकिय ईनिङ्स खेल्दै ईङ्ल्याण्डलाई शानदार सुरुवात दिलाएका थिए । उनले पहिलो विकेटका लागि ओपनर जोनी ब्रेस्ट्रोसंग १ सय २८ रनको साझेदारी गरेका थिए ।
जोनीले ५१ रनको अर्धसतकिय ईनिङ्स खेले । जोस वटलरले ६४ रन बनाउँदा जेए रुटले २१ रन बनाए । ईयान मोर्गान ३५, वेन स्टोक्स ६ रनमा आउट भए ।
बंगलादेशका मोहमद सइफुदिन र हसन मिराजले सार्वधिक समान २-२ विकेट लिए ।
बंगलादेशले टिममा कुनै परिवर्तन गरेको छैन । घरेलु टोलीले मोईन अलीको स्थानमा लियाम प्लनकेटलाई समावेश गरेको छ ।
दुवै टोली दोस्रो जितको खोजीमा रहेका छन् । दुवै टोली अंक जोड्दै तालिकामा सुधार गर्न चाहन्छन् । दुवै टिमले अघिल्ला खेलमा एक हार र एक जित ब्यहोरेका छन् ।
ईङल्याण्डले पहिलो खेलमा बलियो टिम दक्षिण अफ्रीकालाई पराजित गरेको थियो । तर दोस्रो खेलमा पाकिस्तानसंग स्तब्धपुर्ण हार ब्यहोरेको थियो ।
बंगलादेशले समेत पहिलो खेलमा दक्षिण अफ्रीकालाई हराएको थियो । तर दोस्रो खेलमा न्युजिल्याण्डसंग पराजित भएको थियो ।
