एजेन्सी । आईसीसी विश्वकप क्रिकेटमा ईङ्ल्याण्डविरुद्वको खेलमा बंगलादेशले टस जितेको छ ।
कार्डिफमा घरेलु टोलीविरुद्व टस जितेको बंगलादेशले फिल्डिङको निर्णय गरेको छ । ईङ्ल्याण्डले सुरुवाती ब्याटिङ्ग गर्नेछ ।
बंगलादेशले टिममा कुनै परिवर्तन गरेको छैन । घरेलु टोलीले मोईन अलीको स्थानमा लियाम प्लनकेटलाई समावेश गरेको छ ।
दुवै टोली दोस्रो जितको खोजीमा रहेका छन् । दुवै टोली अंक जोड्दै तालिकामा सुधार गर्न चाहन्छन् । दुवै टिमले अघिल्ला खेलमा एक हार र एक जित ब्यहोरेका छन् ।
ईङल्याण्डले पहिलो खेलमा बलियो टिम दक्षिण अफ्रीकालाई पराजित गरेको थियो । तर दोस्रो खेलमा पाकिस्तानसंग स्तब्धपुर्ण हार ब्यहोरेको थियो ।
बंगलादेशले समेत पहिलो खेलमा दक्षिण अफ्रीकालाई हराएको थियो । तर दोस्रो खेलमा न्युजिल्याण्डसंग पराजित भएको थियो ।
