काठमाडौं । प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा सुदुरपश्चिम प्रदेशले प्रदेश नम्बर ३ लाई जितका लागि १५५ रनको सामान्य लक्ष्य दिएको छ ।
मुलपानी क्रिकेट मैदानमा टस जितेर पहिले ब्याटिङ गरेको सुदुरपश्चिमले ४५ ओभर १ बलमा अलआउट हुँदै १५४ रन बनायो ।
सुदुरपश्चिमका लागि खडक बोहराले ४० तथा रोशन अधिकारीले २७ रन जोडे । यस्तै नरेश बोहराले २६ तथा कप्तान शेर मल्लले १४ रन जोडे ।
सुदुरपश्चिमलाई सस्तैमा समेट्न प्रदेश ३ का सुर्य तामाङले ३ विकेट लिए । यस्तै प्रतिष जिसी र जितेन्द्र सिंह ठकुरीले २/२ विकेट लिए ।
पारस खड्का नेतृत्वको प्रदेश ३ सुदुरपश्चिमविरुद्व सहज जित निकाल्दै अघिल्लो चरण प्रवेश गर्न चाहन्छ । प्रदेश नम्बर तीनको जितले अन्य टिमको सेमिफाईनल सम्भावना सकिनेछ ।
तर प्रदेश नम्बर तीनको पराजयसंगै अन्य टिमले अघिल्लो चरण प्रवेशको गणितिय सम्भावना बाँकी रहन्छ । मात्र एक अंक जोडेको सुदरपश्चिमलाई समेत प्रतियोगितामा फर्कन जितको आवश्यकता छ ।
